香港獨立媒體: 《女人一生，只為尋覓一個肯「陪」自己睇哂三線劇集的男人》

Buy Bulbs, Seeds, and Plants Our mission is to bring you top quality flower bulbs, perennial plants and other horticultural products exclusively over the internet, at the most economical prices. From our sponsors

《女人一生，只為尋覓一個肯「陪」自己睇哂三線劇集的男人》 Apr 26th 2014, 16:41, by 姐死姐還在 《女人一生，只為尋覓一個肯「陪」自己睇哂三線劇集的男人》 最近TBB 終於留得住我，已經好耐未試過睇哂三線劇集。放左工，做完《愛回家》，睇個《愛我請留言》，接個《M Club》，仲留得住我，睇完是是旦旦新聞，再睇埋個《烈火雄心》。男人sss會問套套如有類同的膠劇，有咩好睇？有咩爽得過一個晚上，完全唔洗用腦，「一齊分享睇電視嘅樂趣」。其實女人一生，只為尋覓一個肯「陪」自己睇哂三線劇集的男人。 女人話要高富帥，要有車有私樓有學歷有野心，講下架渣。根本女人就係靈長類動物當中最易受騙的，女人第一條原則就係「冇原則」，講過當然係唔算數啦，只要「浪漫熱吻」下，女人就已經「落搭」。而又有咩浪漫得過，明知男人sss冇興趣，靈魂出竅，唔想睇「都陪住」呀。 老老實實… 返唔返工都唔想用腦，返完工黎講，井字過三關我都覺得難，陪我睇三線劇真係岩哂。 我係想TBB 舉辦「答岩TBB FUN 問題換取SAM哥一隻」遊戲，換隻SAM哥返來，都係講下架渣，我唔係想要隻SAM哥，我係想有人陪我睇SAM哥。 睇睇下三線劇，係想提出「男主角係靚仔的」呢條辯論題目，但其實我冇心討論，純粹等緊你個句「I agree with you」。 我係想個男人個智商偏高，但又唔洗識得解釋量子力學同黑洞源頭我知，夠醒去暗啞底睇左預告，扮哂唔覺意估到劇情，我已經會同你講「你好叻呀」。 我想「一齊分享睇電視嘅樂趣」，好似KERORO同TAMAMA咁， TOGETHER 「共嗚」。 All of the above都係「陪住」就得架啦。就算日日入動感影院睇「最新上映」，都比不上日日「陪住」睇三線劇。其實女人真係簡單都不行，從不高深，只係想睇下男人sss有冇心「陪住」。 最近套《愛我請留言》終於播完，D女人sss又好鐘意睇，因為套劇就好似女人sss細個個時睇D 童話故事咁，個個角色都安排好一個著落，好似諸神歸位咁。翠如BB「掂到」黃浩然，梁家琪有個「誓死都一齊」，美妮有個「少年馬國明」，甚至周聰都勝在有羅蘭，又係個樣野，想男人sss「陪住」。而最重要係，女人其實就係想個人生好似TBB膠劇咁簡單，個主角想完成嘅野，想解決的問題，一定會趕得切係第20集大結局個時做得哂，搞得掂，你話幾好呢。 PS. 至於星期一套西遊記，um...又真係「陪住」都提不起勁來睇，不如「陪住」《愛我請留言》多次呀？ 原文載於姐死姐還在Facebook 專頁： https://www.facebook.com/164695310405483/photos/a.164701523738195.107374...

You are receiving this email because you subscribed to this feed at blogtrottr.com. If you no longer wish to receive these emails, you can unsubscribe from this feed, or manage all your subscriptions