《我呀姐真係好似佛地魔架...》
今日又係開會forever 的日子，點解係公司開會，呀姐你都要「拉布」？
個會開左D 乜，我根本冇留意，我當聽講座咁聽。我今日再望清楚我呀姐，覺得上天係創造人類方面，有時真係會有人為錯誤，出產左次貨。點解我呀姐生得咁似《哈利波特》個佛地魔架？
我講真的，我呀姐個樣真係好似《哈利波特》個佛地魔。我好同情佢，人地特技化妝先會「佛地魔」咁樣，佢本身就生成佛地魔咁樣，so sad！
今日開會前， 呀姐趁lunch化返佢個京劇妝啦。到底呀姐的化妝藝術係邊學？係唔係係大家樂食早餐個時領悟出來。
-->呀姐梳了個all back頭，個額頭夠反光，好似八掛咁，D 死光反射出來。
-->呀姐個乾酥餅粉底，D 粉厚到你拍一拍就會有白粉飄出來，好似體操選手個D 防滑粉係手上拍開一樣。
-->最出色的重點來啦，就係大家樂員工個隻彊屍綠眼影，如果你唔知咩係「大家樂青色」，只要你聯想下青筋，無錯啦，就係青筋咁嘅色。呀姐為左突顯隻青色，當然係要將D 「青筋眼影」畫到同條眉連成一線啦。
-->至於眼線呢，眼線係呀姐心目中，同「係公司做野」個theory 係一樣的，要人人都見到，所以條眼線當然係離開隻眼啦。
-->到個咀啦，當然係長青的「烈焰紅唇」 啦，呀姐堅守做野唔過界的原則，當然係只查咀的60至70%，形成小咀裝。
-->最後當然係落conference room 前換返對「架空鐵路」型號高踭鞋，能量值倍增啦當堂，矮仔當堂冇哂自信。
你見呀姐個勢咁行，都知Happy Friday 仲唔開會開到收唔到工。呀姐一化完妝，「自信心返哂黎」，一路開會一路笑，笑到好似白雪公主個後母咁。笑笑下，我見到呀姐後排隻牙「定」住左條菜心，嘩，好頂癮呀。
PS. 講講下，呀姐又笑住咁飄係我面前，《真情》首歌又隨隨嚮起：「笑聲笑聲冷冷冰冰，攝入耳朵內...」
原文載於「姐死姐還在」Facebook：
https://www.facebook.com/164695310405483/photos/a.164701523738195.107374...
没有评论:
发表评论