早前跟愛侶去看《豪情3D》，我跟她說是為了支持港產片、支持香港電影業，老實講，咪又係因為「鹹濕」。但是，看了整套戲，感覺唔係因為唔夠鹹濕，如果要鹹濕我睇鹹片都得啦；更唔係因為劇情牽強冇深度，因為呢啲都係預咗；而係整套電影可惜缺少了三級片最重要的──高潮。
電影演員表演不俗，杜汶澤演出頂癮、古天樂做番自己入型入格……不過，劇情荒誕但未夠誇張，搞笑但未夠爆炸。沒有難忘的一幕，沒有感受至深的一刻，以電影語言來說就是故事模糊。而最大問題是，有身材、有女人；有前奏、有過程，只是欠了高潮。
《豪情3D》以成人AV電影為題材，說主角闖日拍AV，其後變成當紅AV男優，發揮空間本應極大，而導演找來當紅日本AV明星出鏡亦十分啱口味，但是，不知是否因為導演睇得少A片，好似冇乜共鳴。要知道「AV是男人的浪漫」，每個男人都會睇，由小到大都會睇，鏡頭、場景、動作、人物、音效、劇情，每一樣都深深印在我們的潛意識當中，但電影卻未有掀起浪漫的情意結。雖然有電車、醫院場景，以及簡單介紹假精液的做法，更有真實的女優胴體，但整體配合欠缺共鳴感，42D、夕樹舞子、加藤鷹……他們熟悉而又陌生。
一套搞笑鹹濕片，不夠爆笑又沒有高潮。不過，可喜的，是慾火已燃起、癮已吊，遂向身旁的女士抬起我的頭來，以此作為要求被撲熄慾火的藉口……
部分原文轉載自《新報》
没有评论:
发表评论