我地繼續關注一下港足既消息，今次由我同大家解構香港U23既選人：
香港U23日前已經公布左大軍名單，三名超齡球員分別係葉鴻輝、鞠盈智以及安基斯，對於有球迷質疑選人既方面，或者我都可以猜測下嚟解答大家既憂慮既。大家球迷互相交流下啦。。
第一，選葉鴻輝主要係想避免曾文輝的傷患再次復發，曾文輝去季斷腳抖足成季，選葉鴻輝純粹係做個保障。再者，葉鴻輝有豐富既國際賽經驗，亦做過大港腳賽事既隊長，選佢可以帶住一對富有潛力既中堅梁冠聰同梁諾恆盡快成長，畢竟陳偉豪老了，李志豪又退出港隊了。
第二，選鞠盈智係想加強中場組織能力，部份球迷提出選黃洋同林嘉緯雖然係唔錯，但係黃洋唔合資格踢亞運，林嘉緯又要踢亞協盃，咁變相最佳人選就係阿智嘞。
第三，選安基斯相信係考慮到港奧隊攻力疲弱，欠缺數糊人物，之所以唔選陳肇麒好可能係因為肇麒近年轉為打翼鋒或九號半居多，因此就選左安基斯。
最後，科夫同聶凌峰係因為所屬球會唔放人，陳偉豪就因為擔心舊患復發而唔選。
希望可以釋除到大家既疑慮啦，歡迎大家比個LIKE同埋係下面留意一齊傾波經！
没有评论:
发表评论