上次集體熄電視事件，是對政府不發牌給香港電視的抗議行為，當然也包含對無線的製作水準參差的控訴。而今次早幾日的頒獎典禮，有人話大家已經忘了熄電視行動、像是忘了反清復明一樣。不過，公道點說，上次是一台之慶典，罷睇實有象徵意義，但今次，頒獎典禮是對演員們一年來努力的讚揚與認同。而單就節目質素來說，總算不俗，雖無精彩表演，也有靚人靚衫。就算平息不到怒火，也有發洩慾火的途徑。不過最好睇，要數到民選最佳男女主角。
最佳男主角由黃子華擊敗Sam哥、Cool魔爆冷奪得，掀起全晚高潮。「人都唔到」的子華真正變成了整個節目的「最佳男註腳」，成了張智霖「炸型」的註腳、樂小姐失勢的註腳，以及為市民止「普選」渴的註腳。
眼見普選遙遙無期，無線在近年開始玩親民，大搞普選投票，希望市民將能一人一票的公平滿足感投射在TVB上。成功係幾成功，畢竟觀眾有份參與選出最喜愛男女角色，但何解連最佳男女主角也可投票選出？你幾時見過奧斯卡金像獎、艾美獎、格林美獎，讓普通市民有份投票？不過，最終最佳男主角的結果也被評審的50%所左右，咦？中央的確可以參考一下呢個方法喎！
轉載自新報
没有评论:
发表评论