近嚟，吳得掂嘅絞肉焗話粵話唔係法定語文，只係方言喔。點解無端端搞出個大頭佛呢？可能係賊佬試沙煲，又或者係唔覺意漏咗口風。
我們常聽說，煲東瓜可以口語與文字完全相同，即能夠「我手寫我口」，而粵語則未能做到——此流毒甚廣，切莫中招！
以上示範，第一段係粵語口講，第二段乃是手寫體。無論粵語或東瓜，大凡口語，便是隨口而出，旨在流暢表達；而化為文字，必須修飾，以達雅緻。所謂「我手寫我口」者，謬矣哉！深圳河以北，數拾年中毒已深，以口語甚至俗話入文，再滲雜黨八股與外來蠱毒，幾乎已難覓華夏風流文釆。
粵語，或曰廣州話「即廣府話」，流行於兩廣省會附近，隨移民而流佈南洋與花旗世界各地。49年政權變更後，為著鞏固中央威權政治，處心積慮強行推普廢粵。據悉，目前廣西已逐漸消亡，廣州也淪為次等語言，嚴禁學子在校內操粵語，只有部份本土人士在市井家庭內流傳。看來不消兩三代後，內地粵語文化，可能將伴葬於南粵王古墓中。
香港畀英國佬統治，誤打誤撞避過浩劫，得以保存華夏文明。我哋大多數人講粵語，即係白話「方言」，其實煲東瓜原本根據嘅北平話，本來又咪係一個地「方」之言「語」！
用母語教學，係腦裡邊即刻接收，學起中文嚟，直接快趣。點解要矮化粵語？點解要用煲東瓜教書？老豆教落：寧賣祖宗田，唔賣家鄉語！咁快忘記咗早排係廣州，示威撐粵語嘅震撼場面呀？我哋誓要保存香港呢個剩番嘅粵語根據地。班擦鞋仔為推普廢粵造勢？要我哋放棄固有傳統？身痕呀？勢係假啦！
掉那媽，頂硬上！——明末袁崇煥
5•2•2014
没有评论:
发表评论