「今晚幾點見？」「今晚又見？」「人哋已經有十二個小時無見你啦，好掛住你呀。」「耐無見先會更加掛住㗎嘛，見得太多會厭，人哋七夕都係一年先見一次，所以感情先咁好，咁多年仲一齊緊。」「一年先見一次，呀嫦娥去咗溝仔你都唔知啦！」我心想「那個是織女……」。
七夕故事的浪漫，在於虛幻的理想化。牛郎與織女，一年見一次，你估會不會吵架？會不會討論價值觀？會不會亂發脾氣？……他們感情一定很好，至少自以為很好，因為基本上他們不是跟對方拍拖，他們只是跟「戀愛」二字拍拖。
現實上，很多人也是這樣，他們跟對方沐浴在戀愛，但沐浴當中有數十個百份比只是「沐浴露」；起初當然是由沐浴露沖擦出香氣、美好、浪漫的泡泡，但泡泡只是以遮遮掩掩來令對方更加性感，然而，玩過泡泡，最終也會被爭吵、寬恕、不滿、體諒、磨合、溝通等沖洗乾淨，在這個真正肉帛相見的時候，愛情才真正萌芽。
萌芽後，就要栽培。
常常說一段關係要互相經營，但要營運就需要資金，更講求回報；可是，愛情並不符合經濟邏輯，因為我可以不斷無限量注資，就算經營失敗、清盤、破產，只要我愛你，我就會不斷注資，「飲食業做唔掂，咪做紡織囉，做衫唔鍾意，咪試下搞電子囉」，我的大水喉永遠都會射住你，用愛把你內心溢滿。
其實，我講咁多，都係想講，既然我咁愛你，又會不斷注資，不如畀我休息一晚啦。
轉載自《新報》
没有评论:
发表评论