香港獨立媒體: 到底邊個暴力啲呀？

Crabtree & Evelyn. Pamper yourself and save money with value size items on sale. From our sponsors

到底邊個暴力啲呀？ Aug 2nd 2014, 03:44, by 刺青雜誌 文：許煦 呢幾日見到周街啲「反佔中、反暴力」攤位，我就火都黎埋喇。主場新聞都俾你收埋皮，你話邊個暴力啲先？ 我許煦先啱啱登陸主場無幾耐，咁就執咗笠。條氣認真唔順！幾日前先同個編輯傾開，諗住整個每周專欄講文化研究啲 terms，我連稿都打埋，佢一個唔該同我執咗。編輯仲要話唔知咩事，都唔知佢堅定流。成件事好似騙局咁。 返正題，講暴力。刀槍火劍無錯係暴力，但大家唔好咁膚淺啦，暴力唔一定係睇得見㗎！你地一定無讀 Foucault 頂喇！即係呀傅柯 (Michael Foucault) 愛滋病死果個法國理論家。AIDS 唔係重點，而係佢提出對暴力嘅見解，係果本《規訓與懲罰》入面，佢話宜家嘅暴力不再下下要流血，而係講「性」。性係指人口嘅控制之餘，關係到嘅係所謂嘅「身體政治」。佢話十九世紀之後，權力通過教育之類嘅機關，傳播意識形態，簡單黎講，即係從內心去改變一個人嘅思想、行為。好很恐怖。以前熱兵器年代，你見到子彈，當然會識得避，宜家睇唔到，潛移默化咗，真係死咗都唔知咩事。 今次主場之死，我認我係有 personal feeling，但係抽出黎睇，未嘗唔係一次唔流血嘅暴力。大家本來開開心心吹吹水嘅地盤無咗，急急腳四圍搬竇。佢仲要賤到咩文都 search 唔返（許煦太新，舊文無 backup 到），好在我平日都會 save 定啲 copy 係手啫。死因到宜家都未知，又話無錢，又係白色恐怖。都唔知邊樣真，都唔知係真唔係。無答案，大家唔知，個個係度估估下，果種不安真係不得了。 反佔中班人，口口聲聲話反暴力。佢地口中嘅暴力，講黎講去，咪又係果啲示威呀，掟下野果啲。小兒科啦！唔係流血先叫暴力㗎？咪咁天真咪咁傻啦！ 原文刊於此

You are receiving this email because you subscribed to this feed at blogtrottr.com. If you no longer wish to receive these emails, you can unsubscribe from this feed, or manage all your subscriptions