香港獨立媒體: 未來展品「吊吊揈」

Photoshop - Beauty Retouching Learn how to improve your photoshop retouching skill and knowledge in 21 easy techniques! Take this course for just $25. From our sponsors

未來展品「吊吊揈」 Feb 24th 2014, 08:11, by 姐死姐還在 《未來展品「吊吊揈」》 勞碌了一個星期，星期日安排了參觀科學館呢個課外活動比自己。 科學館個「巨龍傳奇」有好多好多人去睇，係尖沙咀掃貨的自由行離遠見到條恐龍，當然係唔會放過啦。 科學館外面有條恐龍，我其實都好想同條恐龍合照，但佢正面實在有太多太多人，於是我只好影佢的頭部同尾部，呢D 部位終於無人同我爭啦。 睇睇下，發現條恐龍好似許願咁，無下巴架喎... 再睇睇下，條恐龍條頸咁長，食野咪成個鐘先跌到落個胃到... 當我好全神貫注的睇緊佢尾部個時，恐龍條尾開始「拂」來「拂」去。你話如果條恐龍幫幫手去「拂」開想「禽」上條劍龍個死靚仔你話幾好呢。 個死靚仔個大陸媽媽仲同個死靚仔加油，等佢可以係保安發現前影到張相。本來條劍龍已經有個欄欄住，你要爬過個欄，殺出重圍，都引起了眾人的注意架啦，佢係唔係不停唸「你睇我唔到」咒語，覺得全場人死哂。其實條劍龍本身個背部已經有一個個三角形，你「禽」上去無咩好處姐，唔會「銀」咩？ 最後因為保安員阻止，個死靚仔都無成功「禽」上去。 有時候覺得，博物館D 展品真係無D 自由人咁精彩。 D 展品其實要凌空吊起，先會防止到D 人爬上去，咁未來D 展品咪都要「吊吊揈」，我地咪都要「頭鱷鱷」咁睇囉。 PS. 其實條恐龍應該係好似起樓咁分件組裝而成，但又唔多見駁位架喎，無理由原隻上架？如果真係原隻上，佢係搭邊種交通工具架？ 文章原載於「姐死姐還在」Facebook 專頁： http://www.facebook.com/164695310405483/photos/a.164701523738195.1073741...

You are receiving this email because you subscribed to this feed at blogtrottr.com. If you no longer wish to receive these emails, you can unsubscribe from this feed, or manage all your subscriptions