2013年9月14日星期六

香港獨立媒體: 2013年南亞國家盃總結

 
Madesmith

Modern handmade. Stories from designers.
From our sponsors
2013年南亞國家盃總結
Sep 13th 2013, 10:06, by Momay

1186869_10151850353037158_600255709_n
喺尼泊爾舉行嘅第10屆南亞國家盃(或者可以叫成''錦標賽'')終於完結,係時候總結一下,首先睇睇冠亞軍誰屬,冠軍係阿富汗,亞軍係印度,阿富汗首次奪得呢個錦標冠軍,亦都係阿富汗足球重返國際舞台後嘅第一個冠軍。而射手方面,馬爾代夫嘅『金毛』箭頭Ali Ashfaq繼續盡顯本色,以10個入球成為總射手,呢10球都係對住斯里蘭卡(入6球)同不丹(4球)所賜嘅。今屆嘅入場人數及關注度係近幾屆最高,即使身處喺海外嘅球迷都可以透過南亞國家盃官方YouTube收睇網上免費直播,觀眾來自世界各地,而我都睇咗大部分比賽,首先講講不丹國家隊。

不丹國家隊

成績:3負小組第4

得失球:進4失16

不丹國家隊今屆派出嘅球員大部分來自Yeedzin FC(耶丁FC),不丹國家聯賽冠軍,球員都係全業餘,2008年斯里蘭卡及馬爾代夫合辦嘅其中一屆南亞國家盃中,不丹打入4強,但如今實力不復當年,所以不丹國家隊早就有心理準備出唔到線,今次志在比球員吸取下大賽經驗。

不丹喺分組賽第一場嘅對手係『黑馬』阿富汗,上屆不丹試過以1比8不敵阿富汗,今次唔洗輸咁多主要係防守有效及阿富汗未出全力,只吞3蛋,第二場對住攻擊力較強嘅馬爾代夫,知道只有贏波先有機會出線,所以主力進攻,上半場未段守門員Leki Dukpa紅牌出場,換入之後備Hemlal Bhattrai經驗不足結果以2比8不敵馬爾代夫,上半場曾經製造高潮反超馬爾代夫已經好唔錯。第三場對住實力咁上吓嘅斯里蘭卡,由於冇出線可能,所以繼續主力進攻,結果都係輸2比5,3負進4失16排小組第4。

不丹國家隊實力有限唔可以強求什麼,可以入到4球已經唔錯,老將Passang Tshering獨佔2球。相信大部分球迷都不在乎不丹國家隊嘅成績,不丹國家隊與國家一樣,有點神祕,想睇不丹國家隊比賽,留意南亞國家盃是好的方法。

孟加拉國家隊

成績:1和2負

得失球:進2失5

孟加拉足球喺南亞曾經有地位但今非昔比,即使近年改革推出全新職業聯賽,實力依然無法改善。雖然係咁不過現時孟加拉足球仍然有打入南亞國家盃4強嘅能力。陣容方面,今次嘅球員大部分來自孟聯冠軍Sheikh Russel KC,其中只有一人於海外揾食,就係效力丹麥乙組業餘球隊Hellerup IK嘅光頭佬中場球員Jamal Bhuyan,另外孟加拉門神Biplob Bhattacharjee及射手Hossain Rony等在陣尚算完整,賽前孟加拉往泰國集訓,贏過泰國U19。

孟加拉喺分組賽第一場嘅對手係東道主尼泊爾,喺今年3月打嘅亞洲挑戰盃尼泊爾試過喺主場不敵孟加拉0-2,今次孟加拉輸返俾尼泊爾0-2。第二場對住被視為小組最強嘅印度,孟加拉終於打出水平,但補時階段都係把持唔住被迫和失分。第三場對住巴基斯坦一定要贏先有機會出線,但最終1比2輸比巴基斯坦,進2失5,1和2負排小組第4。

gn3_1171606615

斯里蘭卡

成績:1勝2負

得失球:進6失15

斯里蘭卡足球嘅實力一向一般,2008年斯里蘭卡及馬爾代夫合辦嘅其中一屆南亞國家盃中,斯里蘭卡打入過4強,已經算係近年成績最好嘅一次,今次嘅球員大部分來自Army FC及Renown SC呢2支斯里蘭卡半職業球隊,賽前往泰國集訓,輸過俾南華1比5。

斯里蘭卡分組賽第一場嘅對手係馬爾代夫,2008年2隊交過手,當時打成55波,最終馬爾代夫險勝1比0,估唔到今次馬爾代夫大炒10粒,可能同守門員Mohammed Imran被逐有關,亦可見馬爾代夫進步速度之快。第二場對住阿富汗,上半場試過領先,但反勝為敗,始終技不如人。第三場例行公事,5比2贏不丹總叫好過冇。

巴基斯坦

成績:1勝1和1負

得失球:進3失3

足球一向唔係巴基斯坦主流運動,但全球各地都有海歸個案,巴基斯坦早在2004年已經行呢條路,不過都係幫唔到幾多,所以巴基斯坦國家隊有一段時間打比賽只以本土球員為主。但今次比賽又見海歸球員,呢班海歸球員來自丹麥甲、乙聯賽,英格蘭地區聯賽及香港聯賽,最出名當然就係效力傑志嘅列文,今次巴基斯坦國家隊就由呢班海歸球員在加上國內勁旅KRL為主嘅球員組成。

分組賽第一場嘅對手係印度,結果雙方打成55波,有列文帶領之下,印度只係險勝1球,第二場和咗尼泊爾,守唔到最後,第三場要贏先有機會出線,最終真係贏咗孟加拉,但由於印度嘅積分及得失球、同巴基斯坦相同,所以要計對賽,巴基斯坦0比1印度,巴基斯坦出局。

18t

尼泊爾

成績:2勝1和1負

得失球:進5失3

足球喺尼泊爾係比較受歡迎嘅體育運動,但尼泊爾一直未有舉辦全職業比賽,青訓質量都係一般,就算有質嘅年青球員出現,都未必投身足球業,導致尼泊爾足球長期處於低水平狀態。南亞盃史上,尼泊爾只係試過入過一次4強,今次尼泊爾做主辦國,賽前嘅最大目標就係冠軍!今次尼泊爾國家隊嘅大軍名單內只有一人來自海外聯賽,佢就係喺印尼揾食嘅Rohit Chand,除咗Rohit Chand之外,所有球員並非全職。

分組賽第一場嘅對手係旗開得勝嘅孟加拉,全場2萬幾人支持下贏2比0,一報今年3月主場不敵孟加拉0比2之仇,第二場最尾時刻迫和巴基斯坦,第三場在以2比1勝勁旅印度打入4強,但4強就係喺大好形勢之下以0比1輸俾阿富汗出局。

其實尼泊爾喺國際賽上一向甚少贏波,今次能夠小組不敗出線,相信球迷已經收貨,但要面對嘅係攻力不足之毛病,呢個毛病都係尼泊爾國家隊一向嘅毛病。

1236761_10151843651917158_229038047_n

馬爾代夫

成績:2勝1和1負

得失球:進18失3

馬爾代夫喺亞洲計唔係什麼勁旅,但南亞內計馬爾代夫足球絕對有地位,但只係拎過一次南亞盃冠軍,今年佢地都好重視呢個盃,擋係為下年亞洲挑戰盃準備。球員方面,所有主力都喺齊到,大部分都係效力國內職業球隊New Radiant及Maziya。

分組賽第一場嘅對手係斯里蘭卡,結果大勝10球,第二場8比2大勝不丹,第三場0比0和阿富汗,首名出線4強,但最後都係以0比1不敵印度結束南亞盃之旅。

印度

成績:2勝1和2負

得失球:進4失5

gn3_167401801

阿富汗

成績:4勝1和

得失球:進9失1

印度喺亞洲計唔係什麼勁旅,但南亞內計印度足球絕對係一哥,喺南亞盃史上已經6次拎咗冠軍,即使今次印度大軍處於新老交替期,但依然係最大熱門。而阿富汗近年都晉身為黑馬,今屆嘅陣容比上屆更強。

印度分組賽第一場嘅對手係巴基斯坦,好辛苦先贏到,第二場對孟加拉,好尷尬先和到,第三場對尼泊爾輸埋,好彩最後補時階段嘅入球令得失球追上巴基斯坦次名出線。4強對馬爾代夫,要用超技術先贏到。而阿富汗都輕易出線,4強擊敗東道主尼泊爾,結果決賽又係上屆老翻。

最後喺萬多名現場觀眾見證下,阿富汗2比0勝印度,阿富汗國家隊獲得重返國際舞台後嘅首個冠軍!

gn3_1173898212

印度打得唔差只係把握唔到就係把握唔到,人地守得好就係守得好,你中楣就係中楣。挑戰盃預賽失利,南亞盃決賽又失利,不過印度足總有好多未來改革計劃,睇落好認真,南亞盃一向喺佢地世界,拎少一次應該冇乜所謂,佢地嘅重點係搞好本土聯賽,在次進軍亞洲盃。

如今阿富汗第二個目標就係拎亞洲挑戰盃冠軍在參加2015年亞洲盃決賽週,對手有土庫曼、菲律賓、馬爾代夫、緬甸、吉爾吉斯、巴勒斯坦、老撾,仲未分組,今次打南亞盃嘅阿富汗仲有幾名主力喺海外,不過實力與現時睇到嘅差唔多,即係同印度咁上吓,得唔得呢?

圖片來源:www.goalnepal.com

You are receiving this email because you subscribed to this feed at blogtrottr.com.

If you no longer wish to receive these emails, you can unsubscribe from this feed, or manage all your subscriptions

没有评论:

发表评论