電視風雲之童話故事
前經濟發展局局長劉吳惠蘭覺得王維基好叻仔,有心招其為女婿,劉吳惠蘭問王維基有冇興趣媾佢個女,王維基話試吥都無妨。
劉吳惠蘭話想媾佢個女就要以行動展示誠意,王維基心領神會,問佢:「咁應該點做呀?」劉吳惠蘭話:「嗱,你用九百九拾九萬買一幢有花園嘅村屋,裝修得靚靚地,喺花園種九百九拾九朵玫瑰,花開之時,我個女就心動受媾架喇。」
王維基二話不說疾速行動,仲親手種埋九百九拾九朵玫瑰,然後日日喺天棚晒太陽睇童話故事等玫瑰花開。點知黑夜又白晝春去春來花謝花再開已經三年零八個月,劉吳惠蘭個女仲係睬佢都傻。王維基極度不耐煩質問劉吳惠蘭:「妳老點,妳真係唔好激嬲我囉!」
劉吳惠蘭只能盡人事,對佢個女話:「阿女,王維基一早做好晒結婚準備,真係好有誠意架。」佢個女反駁:「好多人都對我有誠意,有誠意就要應承佢,咁我咪好唔得閒?」劉吳惠蘭話:「王維基好叻仔,將來有機會做特首架,況且幾年前我已承諾將妳嫁俾佢。」佢個女大怒:「佢將來做皇帝關我叉事呀,我咿家冇興趣做村姑,妳冇權代我決定老公,妳應承咗妳就自己去嫁佢。」劉吳惠蘭從此潛水與王維基斷絕來往。
*本故事純屬虛構,如有雷同實屬巧合。*
YouTube──王維基的童話故事:
http://www.youtube.com/watch?v=ABenWi0DlIU
没有评论:
发表评论