2013年8月26日星期一

香港獨立媒體: 南亞足球國家盃:B組 - 馬爾代夫、阿富汗、斯里蘭卡及不丹

 
南亞足球國家盃:B組 - 馬爾代夫、阿富汗、斯里蘭卡及不丹
Aug 25th 2013, 16:00, by Momay

2013南亞盃就黎打喇,之前講過A組尼泊爾及巴基斯坦,今日就講B組,有馬爾代夫、阿富汗、斯里蘭卡及不丹,如果有留意亞洲足球嘅球迷都估到呢組邊兩隊最大機會出線,不過呢個世界有嘢樣叫爆冷,呢個盃唔係未爆過冷。

現時喺泰國集訓嘅馬爾代夫今年只係打咗三場國際賽,首先喺主場兩戰實力一般嘅巴基斯坦結果一勝一和,七月作客友賽科威特卻輸七粒,七月輸七粒真係七。雖然係咁,馬爾代夫呢個人口30萬嘅小國喺南亞盃史上都算係一隊勁旅,阿富汗未彈出前馬爾代夫更被認為係南亞足球圈內最能威脅南亞大佬印度嘅一隊,今年都係大熱之一。對於馬爾代夫黎講今年嘅南亞盃好重要,因為下年馬爾代夫就係亞洲挑戰盃8強主辦國,南亞盃雖然喺亞洲大部分球迷眼內只係WFC,但喺球隊角度睇就相反!如果連呢個盃分組賽都打唔掂下年點算呢?
馬爾代夫今次大部分球員都係來自Maziya(馬紀亞)及拉迪恩, Imran Mohamed、Ali Ashfaq、 Ali Umar呢啲球員大家都可能見識過,陣容完整正路出線易。

阿富汗喺2011年南亞盃正式彈起,喺2011年之前阿富汗只係一隊亞洲5線大魚腩,球員主要由本土業餘球員 + 德國低組別踢波嘅業餘球員組成,但2010年底阿富汗足總開始召募有血統嘅海外球員,結果2011年南亞盃打入決賽。阿富汗同馬爾代夫有個共同目標,就係打好呢個盃兼展望亞洲挑戰盃8強,熱身為主,不過阿富汗上年決賽不敵印度呢件事阿富汗足總好似仲係耿耿於懷,所今年派咗強陣去尼泊爾,球員都係來自本土業餘聯賽、印度職業聯賽、德國低組別聯賽、澳洲地區聯賽及挪威乙組聯賽等,雖然大部分球員名不經傳,踢挪威乙組半職業球隊Asker嘅Balal Arezou已經係最有名氣個位,儘管喺亞洲計仲係弱勢,但南亞盃夠做。

斯里蘭卡2008年喺南亞盃入過四強,但之後在冇更好嘅成績,最近去泰國集訓表現都係一般,而不丹雖然2008年入過四強,但係近年已經打回原形,表明參與最重要。

You are receiving this email because you subscribed to this feed at blogtrottr.com.

If you no longer wish to receive these emails, you can unsubscribe from this feed, or manage all your subscriptions

没有评论:

发表评论