2013年11月23日星期六

香港獨立媒體: 港足冰河時期的回憶

 
Take the Style Quiz

Join JustFab and get one pair of extraordinary shoes or bag every month, handpicked for you by our fashion experts.
From our sponsors
港足冰河時期的回憶
Nov 23rd 2013, 10:40, by Momay

港足冰河時期,雖然係一個環境非常包皮嘅時期,作為一個睇香港波嘅球迷都唔想呢個時候在到來,但係有啲事情仲係值得回味嘅。比如,GoalGoalGoal球迷大聯盟未流行前,唔少香港波球迷都係集中喺某個網內交流心得,呢個網我已經唔記得叫乜名,不過只要你冰河時期仲有睇香港足球,有上網嘅,你應該會記得呢個網嘅存在,而呢個網並非Forum,當中只有一個小小留言版,冇得貼圖,冇得修改,冇表情公仔,但大家一樣討論得咁開心,因為,當時冇一個平台俾到呢班小數中嘅小數,呢個網嘅出現,對於呢班小數中嘅小數,係一個天堂,因為冇人會黎挑機話「咁屎睇黎做咩」或者「摺撚咗佢啦影衰香港人」。呢個網主要講香港足球嘅消息,每次港隊名單一出,網主仲會俾吓意見,唔係Copy完撚就,大家一齊討論邊個甲組球員係滄海遺珠,講吓甘伯斯、拿美利斯、梁德俊呢啲球員又可唔可以諗吓?講吓睇完明珠播嘅『世界足球天地線香港篇』有乜感想,有冇嘢值得思考,乙組球員上去講吓羅倫士喺乙組點屈機等等等等....

冰河時期,港足係地底泥中嘅地底泥,因為香港社會向來講功利,冇成積,話你知代表香港,大把原因去屌柒你,屌柒你垃圾,屌柒你影衰香港,踩你為樂,屌你為榮,正式步向冰河時期間,又少咗一班人,仲唔踩到你個龜頭嚴重凹陷咩,最好踩到你正式摺埋佢。冰河時期嘅港足,只係一啲人茶餘飯後嘅恥笑話題,其實,90年代已經有唔少人以踩香港足球為樂,唔睇香港足球而且踩多幾腳先係型棍正常,一句達埋去我有言論自由撚就,我記得以前學校週記我成日寫香港足球嘅嘢,每次搣屎嘅評論都係:不如做其他有意義嘅嘢。我每次睇完,都火撚滾。體育阿蛇獲獲暗串香港足球,帶領大家踩香港足球,呢啲就係所謂嘅現實,只不過,我話撚知你點踩啦,我有我支持,你有你踩,可能影響到其他人,但影響唔到我。

仲會喺冰河時期關注香港波嘅球迷,可能一樣要忍受俾人恥笑、歧視,事關所謂主流球迷永遠覺得非主流球迷存在係有罪,係需要恥笑、歧視攻擊佢地,就好似沙士個年,有亞洲盃外圍賽,喺冚港最多人上嘅討論區呼籲一吓大家關注關注,第一個留言就係「我屌你老母」,第二個留言就係「弱智先會睇」,結果唔洗5分鐘,俾人鎖埋個Topic,原因係罵戰,但我完全冇覆過個Topic。
不過,冰河時期都有值得懷念嘅場景,和諧雙料娛樂,因為冇乜人睇氣氛和諧,消防對福建,唔夠300人睇,肥佬啲魚蛋賣唔晒,你電吓佢,20蚊差唔多任食,旺角大球場魚蛋燒賣放題,問你死味?張春暉打福建出去頂角球,唔捨得唔返去守龍,風球之下雙料娛樂,陳耀麟角球打風關係直接扯入,全華班南華不敵業餘消防,球迷大叫官永義坐低,04-05賽季打到最後先有結果,球迷電話報比分,香雪製藥甩底由香港08球員頂上第一場贏公民3個1,馬斯奧用純正廣東話問候為屌而屌嘅3區花生阿伯,3區花生阿伯用純正英文問候馬斯奧,李健和遲遲不射,阿伯大叫啊...啊...吔咩爹...射啦...射啦。花生阿伯全場機關槍式針對李健和,李健和霸氣回應:「一陣完場上黎俾你慢慢鬧」,李健和出場後真係走上看台坐喺個班阿伯下面,冇人敢出聲,阿伯落荒而逃,李健和大叫一聲:「挑」!贏得漂亮。旺角場冇瓦遮頭,一落雨,隔離阿伯濕透了,白色恤衫透出黑提,性感萬分,阿伯見壯扮Cute同我講:「耶~~俾你睇洩晒喇衰人,你要負責任呀!」旺角場冇瓦遮頭,一落雨,個個落荒而逃,有阿伯大叫「呀!走呀!共產黨殺到黎喇,快啲走呀!」有阿伯上身著白色恤衫唔扣摟露黑提,下身著短褲,睇波太投入,露咗半抽嘢出黎,另一阿伯好心提醒,走光阿伯九唔搭八回應「3區我最長我最大」.......

不過,過去咗就梗係過去咗,雖然有啲事回想起係好快樂吓,但最好梗係唔好在返到去從前,今日,香港足球依然屬於小眾,睇香港足球有時會遭人白眼,不過情況肯定有改善,冰河時期一場香港對新加坡,冇600人黎睇,今日有3-4000人,去旺角場睇波,在唔係老人活動,以前以踩香港足球為樂嘅朋輩,同事,今日居然打電話問我有冇興趣一齊睇,正常計,梗係越多人支持越好啦。

圖:冰河時期亞協盃愉園 vs 新光,旺角場座無虛席。

You are receiving this email because you subscribed to this feed at blogtrottr.com.

If you no longer wish to receive these emails, you can unsubscribe from this feed, or manage all your subscriptions

没有评论:

发表评论