2014年3月8日星期六

香港獨立媒體: 猛龍十二連遠征越南!

 
Buy Bulbs, Seeds, and Plants

Our mission is to bring you top quality flower bulbs, perennial plants and other horticultural products exclusively over the internet, at the most economical prices.
From our sponsors
猛龍十二連遠征越南!
Mar 7th 2014, 16:25, by 天水圍張家輝

三月三日,是猛龍十二連首次出征的日子,坐下午的航班到河內,由於是第一次坐飛機去睇香港隊,心情難免興奮又緊張。飛機並沒有如傳說咁 delay,按照原定時間順利降落。不過過關同等行李時,都深深體驗到佢地既效率。順利到達酒店安頓好後,我們約了住在河內的英國人 Bill George 吃晚飯,佢兩年前開始追隨河內 TT ,國內外的賽事他也有去捧場,最近都到了泰國看蒙通聯對河內 TT 的比賽。佢話河內看足球的人同香港好似,都係愛看英超,少入場看本地波,好多當地人都好驚訝點解一個英國人會咁熱衷越南足球,佢話因為佢住係河內,佢視河內係佢屋企,就係咁簡單,支持自己的本地足球,駛乜一大堆理由?

吃過一餐地道的越南晚餐後,雖只是晚上九點半,但大部分店鋪已經準備打烊,所以買了啤酒,就回酒店休息了。

第二天到了河內 TT 的球場參觀,原以為會好似香港大球場咁,在平日並不會開放給公眾,誰不知有學校好像舉行運動會,就闖了入去。球場給人非常殘舊的感覺,很濕很髒。還好香港隊的比賽唔係呢到踢。在場外亦有星期三比賽既 banner 同門票預售,好 hea,只係得張木枱。晚上另外四位十二連的成員亦都到了河內,仲同麥基父母一齊食晚飯,十分enjoy。比賽當天,我地只係在四周行行,盡量保留體力用作晚上打氣用。

圖:越南本地足球報 Bongdaplustv 對本場賽事作出全篇幅報導

出發前食個撈粉,就執野準備出發。由於人生路不熟,我地都 book 咗酒店車作來回用途。在毛毛細雨下,七點九左右就到了美亭體育場,同前一日的河內 TT 球場好不同,比較大和先進點。越南球迷亦有少許歡迎儀式給我們,但始終言語不通,佢地亦只有兩個球迷識講普通話,亦希望俾電視台拍下整個歡迎儀式,所以都用了比較多時間。幸好在開賽前四十分鐘前我地都順利到達作客區,是位於港隊的後備席後。多謝香港商會幫手,召集了幾位係河內做野既香港人,亦有專程係胡志明市飛過嚟,令到我地作客球迷有接近二十人。

圖:今晚比賽波飛既售賣點 價錢分別為:120,000 / 80,000 / 50,000。

可能是平日晚上,天氣亦不是太好,眼見可容納四萬人既球場亦只得三千人左右,感覺有點冷清。對面越南球迷打氣方法都比較獨沽一味,只是用一個 beat 同埋用樂器吹奏越南 style music。

圖:本來香港隊被劃左個打氣區,但而家有班越南人走左入去,我地叫香港時佢地叫越南,都幾明顯係挑釁!

雖然比賽結果未盡人意,但作客睇港隊的確係一個難忘經歷,係外地大聲為港隊打氣,的確痛快。球員完場答謝我們,已經係最好既手信。香港雖然唔係強隊,但我見到球員落力比賽,作為香港人的我亦感到自豪。越南電視台比賽前訪問我地,點解香港隊咁小機會出線,都咁捨得飛去支持佢?我答因為我係香港出世,我屬於香港,支持代表自己的代表隊,就係咁簡單。

圖:特別感謝越南香港商會幫忙,召集左啲喺河內做野既香港人,亦有喺胡志明市做嘢既香港人特登飛黎河內。令我地猛龍十二連總人數接近20。

You are receiving this email because you subscribed to this feed at blogtrottr.com.

If you no longer wish to receive these emails, you can unsubscribe from this feed, or manage all your subscriptions

没有评论:

发表评论