2014年4月23日星期三

香港獨立媒體: 《幫你細路「抿」屎前,先「抿」乾淨我地塊地》

 
How To Lose 19.8 lbs In 21 Days.

Lose weight the right way and keep it off.
From our sponsors
《幫你細路「抿」屎前,先「抿」乾淨我地塊地》
Apr 23rd 2014, 11:05, by 姐死姐還在

《幫你細路「抿」屎前,先「抿」乾淨我地塊地》

今日熱話,《MK青年大戰強國人》片段,有pair 大陸父母,在旺角西洋菜南街抱住個細路便溺,有個MK 仔影低,大陸父母搶相機,同MK 仔動口兼動手。

對於此事,我再次百思不得其解:
1. 1987年的《富貴逼人來》,肥姐同董驃全家移民去加拿大,佢地個女係飛機上面「內急」,好多人排隊等去廁所,董驃提議比個膠袋個女痾。肥姐即時回應:「你都痴線,咁冇家教,排隊」。27年前的香港電影,大家都有共識,隨街痾係冇家教。今時今日仲有大陸人當⋯⋯街當巷痾,呢件事係唔係證實到香港人同大陸人的思想最少有27年差距?

2.大家如果冇睇港產片,實有睇過古裝。楊過行走江湖,都唔係到處有茅廁,但楊過都會搵個草叢,識得用條草遮一遮。老
老實實,有人望住我,爛屎都變縮便,我真係即時冇哂便意。
pair 大陸人係旺角西洋菜街,人來人往,冇遮冇擋,點解你會痾得出?

3. 新浪網新聞中心以「對於小孩子在街頭小便,你的態度是?」為題,詢問大陸網民對於小孩在街頭小便的意見。「當街當巷可唔可以痾?」同「去銀行可唔可以打劫?」,呢兩個問題對我黎講都係肥姐個回應:「你都痴線」,邊個咁智障仲要開口問?擺明唔得啦。

大陸人去到世界各地都拎哂人地D 獎學金,點解公民教育呢課咁低分?
而家就同大陸人上返堂公民教育課:

1. 如何應付你小朋友「內急」?
香港人從來唔係唔體諒你小朋友「內急」,我地係唔體諒你為人父母唔識教細路。出街前痾清佢得唔得?食完飯唔係好急都痾一痾得唔得?唔係下下都要急到下一秒核爆先百米賽跑咁衝入廁所的。

2. 幫你細路「抿」屎前,先「抿」乾淨我地塊地。
好啦,你個小朋友真係急到瀨屎啦終於,你幫你細路「抿」屎前,請先「抿」乾淨我地塊地。香港人拖隻動物出街,隻動物痾左,我地係會「抿」返乾淨我地塊地,因為對於我地黎講,香港是我家,我珍惜隻狗個pat 的同時,我都好珍惜香港每一「忽」。

3. 香港人點解會怒髮衝冠?我地係幫緊清潔工人討回公道。
有大陸人話香港人冇人性,唔體諒細路「內急」。坦白講,香港人有個「體諒人排行榜」,而首位係留比掃街個清潔工人。你痾得好舒暢個時,有冇體諒幫你「找數」的清潔工人,人地日日執「金」難唔難受呀你答我?香港的每一「忽」都唔止一個人使用,我地keep 住塊地乾淨,係因為我地知每一「忽」都有下手用家,你咁痾,你有冇體諒下手用家先?

4. 如果你忍耐力只屬輕量級,請你需要時用上「屎尿片」。
我知講完咁多,D 大陸人都總會話,人有三急,唔痾唔得。咁我強烈建議你使用返強國出產的「包大人」,我諗只有「屎尿片」幫到你地。

PS. 大陸人發起6月1 日罷來香港自由行,我知道大家都熱烈期待6月1日的來臨。跪求大陸人講過算數,記得找數。如此同時,我想申請七一個煙花改係六一放,冇自由行真係要賀一賀佢,但我又唔想政府再哂錢,麻煩調一調個schedule。好似《地球1小時》咁,一年一度熄下燈,比返日我地回一回氣。我想個日唱返首「喜氣洋洋」,真係要「熱烈地彈琴熱烈地唱,飲多杯勝嘅各位乾杯飲勝,喜氣洋洋,洋溢四方…」

再PS. 係呀,我成篇都講屎屎尿尿,我講你都覺得我核突,點解有人可以係旺角西洋菜街中央做出來?

《MK青年大戰強國人》片段載於:
https://www.youtube.com/watch?v=6jnbaZtqARg

原文載於姐死姐還在Facebook 專頁:
https://www.facebook.com/pages/%E5%A7%90%E6%AD%BB%E5%A7%90%E9%82%84%E5%9...

You are receiving this email because you subscribed to this feed at blogtrottr.com.

If you no longer wish to receive these emails, you can unsubscribe from this feed, or manage all your subscriptions

没有评论:

发表评论