圖:蘋果日報
我地周不時會見到政府廣告話先調解後仲裁,亦有傳媒報道調解的需求會日漸增多,仲係有成$3000一小時的筍工。
"專題:兼職和事佬 時薪$3,000"
http://hk.apple.nextmedia.com/news/art/20130319/18200377
計一計條數,如果我一個月開十日工,每日一個鐘都成三萬一個月,聽落真係筍到爆,於是我就著手去搵調解課程。係 google 度搵到一大堆又調解中心,調解協會,仲裁中心,原來有咁多調解組織,睇到頭都大,玩下手加埋考試都成萬幾銀,最後俾我搵到個幾千銀連考試嘅課程就即去馬,上堂之後先開始知道香港現時嘅調解體制係點。
香港的調解體制
現時香港其實係無一個標準試去考核調解員,要加入調解行業就要通過法定機構各自嘅考試去考核,點樣可以通過這些考試呢?當然係參加依啲機構嘅課程,因為唔同機構都有自己一套調解方法,正於武林有唔同門派一樣,你學少林功夫不過走去武當考試真係搵黎攪。而考到調解員後亦要加入這些機構才可接生意,要加入這些組識就自然要守佢嘅遊戲規則(我就因為工作太忙,考了調解員後還未有時間攞到足夠會內學學分出做實際調解)。
調解係咪筍工
如果一份工有成三千蚊一個鐘,而調解嘅入門資格只需中學畢業,應該大把人爭住做先係,不過現時全職調解員唔夠10個,係唔夠10夠。點解會咁呢,唔係好好搵咩?問題就係調解係香港員好難有足夠生意維生,以政府大力推動嘅金融調解做例子,2012年半年得13宗 case。
http://www.hket.com/eti/article/40023e57-3f51-4250-9b07-b68fde646850-676139
點解會咁呢?以我阿 Sir 嘅講法,原因大致有幾種:
調解還未普及,社會認知極度不足
好多人只係聽過調解個名,但係調解係做啲乜就好多人都唔知,甚至有人問我調解員係咪政府工。就以以下一則新聞為例:
"日前有交通運輸業工會代表接受記者訪問時表示,擔心調解後被車主沒收一萬元租車按金"
依個例子顯示出香港大眾仲未知調解係做啲乜,為調解好似法庭裁判咁有個人去決定結果。其實調解係要由雙方同意下進行會意,會意會由調解員做主持,在會意中雙方得到共識先會簽協議書。
調解員有角色衝突
另外一個原因係遇上衝突嘅時候香港人第一個反應就係用法律解決,成個 case 係請晒律師上到庭到時個官先話個 case 要先進行調解,大部份嘅當時人就會問阿律師邊度搵調解,相比起律師費,一個鐘三千嘅調解費用簡直微不足道,個律師又點會想你調解成功呢?如是阿律師就會同當時人講單官司你赢硬,調解只係做樣,個律司仲會介紹埋調解員俾個當時人做調解,結果調解當然會失敗個律師先有生意做,所以係香港調解失敗率好高,而個啲無法律背景嘅調解員亦好難搵到個啲上庭再放返出黎嘅 case 做。
因為種種原因,現時香港要做調解去搵食係好艱難,政府嘅推動我覺得太流於表面,成日叫人做調解不過又唔講下調解係啲乜,人地點會埋你,致於我有無後悔到讀/考調解員呢?肯定無!!因為人學到嘅會議同談判技巧對我依家嘅工作好有用,因為我成日都要同啲麻煩人 deal,不過我都真係好想有機會試一次學以致用,收少啲錢其實又無咩所謂嘅。
原文:
http://darkkeikei.blogspot.hk/2014/01/blog-post.html
没有评论:
发表评论