2013年12月23日星期一

香港獨立媒體: 2013年古靈精怪東南亞之印尼足壇趣怪事精華

 
Crabtree & Evelyn.

Pamper yourself and save money with value size items on sale.
From our sponsors
2013年古靈精怪東南亞之印尼足壇趣怪事精華
Dec 23rd 2013, 13:55, by Momay

正所謂『古靈精怪東南亞』,東南亞一向有唔少古靈精怪嘅事發生,呢啲事科學上無法解釋,外人亦無法理解。而東南亞嘅足球賽,以往都發生過唔少''古靈精怪''事,疑似假波已經係好皮毛嘅事,今年東南亞國家印尼就有印尼殭屍出現印尼聯賽、紙紮中國和尚做球會吉祥物、扮傷逃避大比數落敗、打球證打到爆鼻骨、球員因穿曼聯球衣被打、清潔工扮電工嘅古靈精怪事。

2013年就快玩完,今日就同大家清算吓印尼喺2013年足壇上發生過嘅部分有趣怪事。

【電視同時直播比賽及球迷騷亂情況】

2013年1月,印尼一場''LI''次級聯賽由Persiku Kudus(佩斯古) vs PSCS Cilacap(芝拉扎),比賽未段球場外有球迷開大片,場面無法控制,最後裝甲部隊增援維和,電視同時直播比賽及場外兩個場面,講波佬講波要講埋出面情況:「芝拉扎入波喇,咦?出面裝甲部隊都黎到」「佩斯古反擊速度差少少,以及外面有電單車被焚燬」。

【印尼殭屍出現印尼聯賽】

2013年2月,印尼一場ISL頂級聯賽由Persisam(三馬林達) vs Persib(萬隆),當晚三馬林達主場差唔多爆滿,看台上好多球迷扮鬼扮馬,扮鬼扮馬响印尼聯賽成日都見,印尼好流行一種叫Pocong嘅鬼,我認為似殭屍,全身包晒白布彈地而行,遠睇成粒糖咁嘅,喺印尼聯賽嘅看台經常有觀眾扮Pocong,對於大部分印尼球迷黎講睇波何止係睇波咁簡單,看台上仲係一個開心嘅派對,當晚呢個Pocong同死神(死神拎住包飲品準備飲嘢)坐埋一齊嘅情景精彩程度唔比場波差。

【紙紮中國和尚做球會吉祥物】

印尼IPL聯賽升班馬PSIR Rembang(南望)來自中爪哇,佢地嘅球會吉祥物就係中國和尚,上IPL官網都可以見到PSIR Rembang嘅主場相片,個和尚喺場邊唔知做乜,呢個吉祥物和尚十分似紙紮品,如果換轉於華人地方例如旺角場喺場邊遊黎遊去一定會引起無數人不安。 雖然呢隻吉祥物外表好醜惡,但喺PSIR Rembang嘅主場卻十分受歡迎,不知幾多人完場走去揾紙紮和尚拍照完全無視班球員,邊個話吉祥物一定要係公仔,紙紮一樣夠殺。

【佩斯寶足球奇話】

2013年4月9日,亞協盃分組賽晨曦 vs 佩斯寶,佩斯寶因為冇錢買機票所以並冇如期來港,最後只帶咗12名球員來,由於缺乏操練,而且外援全數留喺印尼,令實力大減,上半場晨曦已輕鬆領先7蛋,下半場比賽期間佩斯寶球員更扮傷出令比賽提早腰斬,成為亞洲足球奇話。

足球奇話發生後,有佩斯寶死忠忍不住上街示威大叫「還我佩斯寶」!之後佩斯寶於本土聯賽多次缺席成為甩底之霸。 印尼足總成立咗調查小組調查佩斯寶疑似詐傷事件,喺印尼足總所謂深入調查之後6月有結果,印尼足總認為佢地真係喺比賽中詐傷,首先將主教練Gusnul Yakin、經理人Nur Yahya、用英文講自己英文唔好嘅Imam Nur Cahyo等數名球隊主要高層人員處分,以後不准在踏入足球圈,而4名球員被判禁賽2年,調查小組發言人Komdis Hinca Panjaitan說:「絕不容許假裝要來的行為,必須嚴懲」。但佩斯寶經理人Nur Yahya表明會上訴,並說:「佩斯寶被耍弄了!我們起初就打算不參加(亞協盃),但我們信任PSSI(印尼足總),他們承諾會向我們提供支援,但最終卻什麼也沒有」「這種懲罰,只是為了做給AFC及FIFA看」。

而另一篇報導則指【Gusnul Tak Digaji Selama 6 Bulan】(Gusnul 6個月冇糧出),佩斯寶主教練Gusnul Yakin被處分一生禁止踏入足球圈,現時佢選擇返到瑪朗市屋企冷靜。呢位前阿雷馬主帥話,佢依家冇咩嘢好講,但係佢指一些球員沒有得到他們的權利,如工資和獎金,希望外界關注,並說:「我6個月冇糧出」。

10月,印尼足總PSSI將佩斯寶踢出今季IPL,12月,佩斯寶主教練Gusnul Yakin上訴遭駁回,並在說:「我成年冇糧出」。

【盧馬洛賓打球證轟動世界】

2013年4月21日,ISL頂級聯賽Pelita(佩利達) vs Persiwa(佩西瓦),佩西瓦嘅老將Pieter Rumaropen(盧馬洛賓)比賽中後勾拳打球證搞到球證差啲流血不止,比賽完畢之後一粒鐘去土豆網有得睇返過程,翠日呢件柒事已經傳到去世界各地,連平時唔會報呢啲WFC聯賽消息嘅香港電視台都有講呢件柒事,正所謂好事WFC醜事傳千里印尼足球在一次震驚世人心。 盧馬洛賓喺佩西瓦效力多年,以速度高見稱但從末入選國家隊,出生於印尼巴布亞省嘅盧馬洛賓多年來只係一名寂靜無名嘅WFC球員,如今終於一拳「走紅」,不過相信球員生涯就咁有機會結束,其實點計都係佢自作孽。佩西瓦係巴布亞省高原城市瓦梅納嘅球隊,2008-09賽季勇奪印尼超聯亞軍並翠年參加亞協盃。

4月26日,盧馬洛賓被判終身停賽球員生涯就此結束。

【日惹球員因穿曼聯球衣被打】

2013年4月28日,印尼入波網消息,印尼次級聯賽佩斯斯主場對日惹,有兩名冇出場亦冇後備嘅客隊日惹球員Johan Arga及Dimas Priambodo坐喺看台睇波,其中一名球員當時身穿曼聯球衣,突然有幾名佩斯斯球迷走到兩名球員前問:「為什麼穿曼聯球衣?」兩名球員心知遇上流氓球迷連忘說出自己是球員但仍然遭毆打,Johan Arga憶述講:「幸運的是頭部和臉子沒有受傷」,呢位球員講嘢真係似周星馳。 同一時間一名記者Jumali又比流氓球迷毆打,原因不明,由於該球場嘅媒體看台同觀眾座位之間冇阻隔冇保安看守,任何人可以自由進出,一啲球員及記者喺某些保安設施冇咁嚴密嘅球場中存在唔少「危機」,不過又點哇件事好快又不了了之。

【佩斯查球迷需要喺鐵閘外為球隊打氣】

2013年6月1日,ISL頂級聯賽佩斯查(Persija) vs 佩西瓦,佩斯查嘅主場比賽閉門進行,球迷需要喺鐵閘外為球隊打氣。今季佩斯查主場『流離失所』,雅加達警方以安全為由將部分佩斯查嘅主場安排為閉門進行,其實咁做都啱,不過有啲球迷雖然有激情,但並非為打而打嘅流氓,咁做嘅話呢班球迷又會好慘有波不能睇,令到球迷需要喺鐵閘外為球隊打氣嘅奇景出現。

【無視空氣汙染印尼超聯繼續踢】

2013年6月25日,ISL頂級聯賽PSPS Pekanbaru(北乾巴魯) vs Persib(萬隆隊),無視空氣汙染繼續踢。

印尼蘇門答臘城市廖內省受到「林火事件」影響,空氣汙染,氣溫亦創新高,而PSPS Pekanbaru vs Persib Bandung正好喺廖內省舉行,唔少球迷都懷疑究竟如此惡劣嘅環境適唔適合戶外體育比賽?而「林火事件」產生之煙霧已經飄到鄰近嘅馬來西亞及新加坡,對當地人帶來嚴重不便,唔少喺戶外嘅店舖做唔到生意,患有急性呼吸道感染的病人數量增加,遊客都唔太敢出街,而新加坡嘅足球聯賽上週都暫停咗。

災區廖內省今日情況依然嚴重,據『南洋網』6月25日08:10發稿指,廖內省多個地區的空氣污染指數已經超出400點,達非常危險水平,正當新加坡足球聯賽暫停,馬來西亞一啲學校宣佈停課時,喺廖內省首府北乾巴魯Rumbai Stadium舉行嘅ISL頂級聯賽如常進行,客隊Persib尋日到達當地後,因為空氣汙染要改喺室內操練,結果比賽繼續,半場雙方互無紀錄,雙方球員都好似沒精打彩咁,可能因為係空氣問題及天氣炎熱有關,有成36度真係幾惡頂!下半場主隊PSPS Pekanbaru尾段時間已經冇氣比Persib連轟4球。

有網友提問,點解咁都唔改期,或改地點呢?我諗除非一行出街即刻噴血,成條街都係毒氣,索一下就會七孔流血先會改期或改地點,否則以印尼足總嘅作風係唔會咁容易樣步,現時呢個問題涉及到球員嘅安危,喺呢啲環境踢戶外比賽其實等同玩命,而且氣溫有成36、37度,真係有苦佢地知,印尼足總係保障球員安危上一向做得不足,例如落大雨,個場已經唔踢得變魚塘,多數等冇咁大雨掃一掃啲積水又會繼續鳴笛開波,球員要喺水塘內踢波,所以,呢個國家嘅足球路有排行。

【停電腰斬清潔工扮電工!】

2013年7月25日,Persiba主場迎戰Persita,只踢得30分鐘就腰斬!係現場打到30分鐘突然冇電!搶修咗20分鐘都未掂,電視台都要訪問現場電工工頭問問究竟係乜事,球證、場監都要靠邊兒站,全世界嘅目光都關注緊呢位電工,可能係第一次有咁多人留意佢,可能就係咁嘅原因,做做吓訪問佢個仔打電話俾佢,可能佢個仔睇到電視直播見到自己老豆咁威球證場監記者都要聽佢支笛開心得滯想打電話俾老豆同老豆玩視像對話。講返正題,個電工阿叔講咗咁多句都唔入題,其實佢都係想講,整緊,但末知咩原因,但可能需要時間,最後都係宣佈比賽腰斬。 不過,有記者之後踢爆,呢個唔係乜嘢電工工頭,只係清潔工人。

【阿雷馬奪冠坦克巡遊】

ISL Arema(阿雷馬)喺國內舉行嘅雞肋盃Menpora Cup中,爭議聲下擊敗澳職嘅中岸水手奪冠,由於太耐未拎個獎盃,就算只係雞肋盃,佢地都有搞市內巡遊,唔係用巴士,唔係用四驅車,係用坦克,坦克巡遊真夠霸氣,印尼呢個國家做嘅嘢永遠都係估佢唔到。

【體育事務部長唔記得印尼國歌歌詞】

8月28日舉行ISL頂級聯賽『西爪哇打吡』Persija vs Persib,兩邊球迷''The Jak''及''Viking''嘅衝突不斷,比賽完結後有幾百人喺場外繼續互相追打,包括向敵方球迷巴士掟雜物,最後警方要向天鳴槍驅散呢批足球流氓,多人受傷,包括球迷及警方人員。有到場嘅體育事務部長Roy Suryo近年一直幫助印尼足球解決圍內嘅衝突,佢喺半場時間試圖做和事佬,希望''The Jak''及''Viking''唔好在有什麼衝突,仲帶領球迷唱印尼國歌,但佢唱咗幾句已經唔記得歌詞,有球迷喺網上笑到仆街,有球迷就叫佢仆街死。 印尼唔少人識唱國歌,特別係啲生活簡簡單單嘅窮撚文盲,反而啲鳩官及受過高等教育嘅就唔多識唱,好畸形。

You are receiving this email because you subscribed to this feed at blogtrottr.com.

If you no longer wish to receive these emails, you can unsubscribe from this feed, or manage all your subscriptions

没有评论:

发表评论