香港獨立媒體: 香港市民其實都可以實際地支持香港運動員

Crabtree & Evelyn. Pamper yourself and save money with value size items on sale. From our sponsors

香港市民其實都可以實際地支持香港運動員 Apr 18th 2014, 15:40, by 陳假 相片來源: 康樂及文化事務署 大家睇到依個標題千祈唔好以為我叫大家捐錢，我係想講香港市民係可以好實際咁支持運動員進行練習。 是咁的，係我開始真正跟教練練跑嘅時候，我先知道原來跑會練習甚至香港頂級跑手係運動場練習都係無 book 場練習依回事，可能 book 個場係好貴，於事練跑人同做輕巧運動例如慢跑甚至散步嘅人就一齊共用緩跑徑，基於安全理由，運動場嘅職員會叫人唔好進行田徑練習，本人覺得香港政府對支持香港運動絕對係得把口，係運動場甚至講到出口叫人唔好練習。雖然政府唔支持，不過香港市民其實係可以好實際咁支持到香港運動員（無論職業或業餘）進行練習，而方法係簡單到好簡單，講穿只係三個字"禮讓"。 練跑者係運動場通常會用1,2線練習，因為易於計算距離同時間（一個圈就400米），其實只要想進行輕巧運動（例如慢跑、散步等）嘅市民用4線以外進行運動就可以大家一齊安全地使用運動場。大家可能會有錯覺覺得練跑嘅人有超體能同技術避開正在慢行嘅人，其實每個盡力跑嘅跑手真係跑到肺都甩，如果前面有人慢行要避佢地係辛苦到爆，對膝頭亦會做成傷害，更恐怖嘅可能佢避唔到人做成兩敗俱傷。而小朋友係1,2線亂跑對跑手黎講簡直係恐怖，佢係度亂走你都唔知點避佢，我見過有人因為避個細路而傷咗攪到要醫成個月，我諗依啲野真係大家都唔想，做家長嘅麻煩管教一下小朋友係運動場嘅活動範圍，例如係4,5線玩咁就真係安心又放心啦。 仲有就係如果大家係街度見到有人跑緊，就算係慢都好，都麻煩大家避一避，因為果個人可能已經跑咗30幾公里跑到散晒先慢落黎，大家如果可以讓一讓就真係功德無量。 我知大家都係交咗稅，好多設施大家都係有份，要讓路俾運動員絕對唔係老逢，但係讓一讓大家又可以一齊安全咁分享設施又何樂而不為呢? 放且我覺得香港人嘅文明程度絕對唔會低過強國遊客，我試過係一條起碼有十尺闊嘅路跑緊，不過強國人竟然做到一條十尺x3尺嘅人牆出黎完全 block 晒條路，我相信我們香港人嘅文化程度絕不至此吧。最後係度非常感謝讓過我路甚至打氣嘅人！！ 原文: http://darkkeikei.blogspot.com/2014/04/blog-post_18.html

You are receiving this email because you subscribed to this feed at blogtrottr.com. If you no longer wish to receive these emails, you can unsubscribe from this feed, or manage all your subscriptions