（獨媒特約報導）走上街頭的原因有很多，有的為了公義、有的為飯碗。對今天走上街頭的藝人而言，他們更希望團隊辛苦拍攝的節目能夠「出街」。為了播劇，他們已經準備好去盡！
白彪：決策不公難服眾
甘草演員白彪從影近四十年，曾效力佳視、亞視及無綫，今次是67歲的白彪首次上街遊行。2012年，白彪加入香港電視，暫已拍攝三部劇集。他認為香港電視願意開拓新題材，當中不少都是其他電視台不敢涉獵，而且劇集製作認真，「有一套原定20集嘅劇集，播出嚟效果唔太好。老闆為左節目質素，寧願浪費幾千萬剪接到剩低9集，可見我哋係很認真地製作節目，亦都令我好有幹勁去工作。」
「我相信老闆王維基真心去出錢出力，希望做好香港電視節目質素，但最後（政府）連呢個機會都扼殺，我覺得好傷心同失望。」白彪坦言，自己以往是「梁粉」，認為應該要給予時間梁振英做事。但免費電視牌照經多年審理過程後，最終政府只用「一籃子」因素否決牌照申請，又以行會保密作理由不願公佈「死因」並不公道，政府決策令市民難以信服。
陳思齊：望運動保持純粹
「最初轉新公司都係做電視啫，冇諗過會搞到咁大件事。」2000年參選港姐入行的陳思齊，五月才轉會到香港電視，豈料電視台未獲發牌，「你話我地有咩唔好，咁我哋可以改進再參加呢個遊戲。但而家乜都冇話畀我地聽，我地都唔知可以點好！」
陳思齊認為香港市民已經看膩了以往的模式，希望電視節目能有所改變和進步，「其實好多舊公司嘅朋友都好支持我哋，只係因為立場問題唔方便企出嚟。每一樣嘢需要改變需要進步嘅時候，都需要有一班人帶頭去搞。我覺得我哋嚟到呢度（香港電視），大家都好有熱誠同衝勁，我好鐘意呢度嘅工作環境同氣氛。」
雖然陳思齊只是首次上街，但她決心與同事撐到底，希望香港電視節目能夠播放。「只要我哋香港電視員工繼續企出嚟，我都會堅持到最後。」陳思齊感謝市民的支持和認同，不過她亦坦言希望政黨別介入這場運動，讓運動保持純粹。
記者：吳卓恆、歐陽聯發
編輯：麥馬高
没有评论:
发表评论