淘寶淘着寶，我個人覺得某程度上跟「食屎食着豆」是同一個道理。食屎食着豆，阿彌陀佛；淘寶淘着寶，謝天謝地。以下內容，純屬個人經驗，人有三衰六旺，如有雷同，實屬不幸。
網上購物相信不少人都試過「中伏」，顏色不符、質素參差等，視乎「伏」的大小。有一次，本人試過買了一雙八十蚊的膠鞋，顏色沒錯，質素造工還十分好，但一穿。咦？穿不進！一對高筒的膠鞋，竟然設計到鞋口只有手碗的闊度，完全穿不進。恕我比較粗俗，就像把試管當作安全套一樣，真係嚇一跳，然後得啖笑。之後當然是申請退貨，而退貨運費當然由賣家擔當。但原來香港是例外，頂，我還是用了速遞。結果款是有退，但我就用番嗰八十蚊速遞咗一對着唔到的鞋畀番個賣家。
中伏例子比比皆是。眼看身邊的朋友（女性為主）都上了「淘寶癮」，心想其實只要中過幾次伏，自然不藥而癒。奈何淘寶又經常搞優惠和折扣，前日更有「雙十二」，是繼「雙十一」創下350億銷售創舉後，又一劈價吸金之作。今次淘寶仲「全包宴」買晒大陸版六合彩的彩票派畀用戶，搞到我都要重出江湖。
人就係咁，明知有超過七成機會中伏，依然會「盅個頭埋去」。或許因為受優惠吸引，更甚是追求拆禮物那份期待與驚喜感。再加上，網購的消費模式越來越簡單方便，按幾個掣就買到，但越易淘寶，自然「中伏」的機會越大。
不過，老實說，我也試過淘到心頭好的。一些文具小傢俬、桌上小擺設、手機保護殼等都是平靚正的經驗。其實只要看清楚物品的描述和商店的評級，以及最重要分析綜合其他買家的評價，就可以淘寶淘着寶。不過，最緊要都係講運氣，正所謂「唔賭唔知時運高，唔淘唔知運氣好。」
轉載自新報
没有评论:
发表评论