《一年一度「把鬼火」小一派位又黎啦…》
今日就係一年一度「睇見都把鬼火」小一派位日。蘋果動新聞尋日報導雙非家長出席「派唔到，點算好」講座，當見到雙非家長嘅對答，我打從心裡跪求上天，衷心祝福佢地派唔到。張女士問呢：「可否換… 喜歡上水這區？」，可以換架，換返間係深圳嘅比你啦一於。你去百佳換煲你都要買野儲印花啦，你無交稅無付出，咁你係咪用手指來換呀？
小一派位今年只有66.4%小朋友獲派首三志願，係10幾年來嘅新低。聽到呢個消息，我諗起「香港要贏，劉江華就要輸」theory，「香港北區小朋友要係北區讀書，雙非就要輸」。我係偏幫自己友，但如果雙非細路都係派唔到首三志願個33.6%，你係唔係諗起都開心返先？
我地要嘅唔只係香港小朋友派得好，我地仲要雙非派唔到，本來D 資源係留比香港小朋友架，個學位係佢呀爸呀媽係香港做N野年，交稅積陰德儲返來架。
雙非家長，「派唔到，典蒜厚」？
根據大陸人「Impossible is甩繩」嘅原則，佢地都有竭而不捨嘅「發瀾渣」精神。有雙非家長今日派唔到北區小學揚言召集千人告教育局。我而家呼籲你地派唔到你個志願呢，直接去巢教育局局長「吳多掂」，唔好煩住哂小學D 校長同先生。正所謂怨有頭，責有主。
教育局的地址如下，有勞你地立即轉場去教育局發瀾渣：
香港灣仔皇后大道東183號合和中心53樓
給派唔到北區小學嘅雙非家長：
- 入境處日日要看住你班靚仔過關，又要好似順風速遞咁送你班雙非「上路」，佢地真係多得你地唔少架。
- 「雙非」係跨境學童，佢地係日日要過關，但佢地唔係去美國留學咁遠水路。而家已經日日好似fedex 使命必達點到點咁，由關口送到你個仔去學校門口，遠少少你都「發瀾渣」，香港D 靚仔係要「等多班」港鐵返學放學，萬里長征咁跨區返學架。
- 「雙非小朋友係無辜，佢地都有讀書嘅權行」，係呀，佢地有讀書嘅權利，但佢個權利係大陸喎。
我對於北區小學校長老師表示萬二分同情…
- 你想像下，班入面有大量疑似患有「無定向喪心病狂間歇性全身機能失調症」嘅雙非家長，睇動新聞見佢地「發瀾渣」都打冷震，你話家長日係幾咁大鑊，我相信同勞改差唔多咁大鑊。
- 你又想像下，一班有大量「厚多士」家長，日日好似打街霸咁連環出招話你「厚多士」好鬧佢個仔，真係識武功都內傷。
眾所周知，大陸人係得寸進尺的表表者，點先叫公平？佢地派得好就係最公平囉。派到學位，佢地要交通支援，學習支援，總之就係全宇宙去支援佢個仔。遲下，普通校巴係滿足唔到佢地架啦，準備架動感影院互動學習列車比佢地「上路」啦。睇新聞，見到D 本地家長派到原區讀小學，開心到好似個仔入到哈佛咁happy，真係好心噏，一件理所當然嘅事竟然變到如此艱巨。過多幾年，報地址寫陰間都應該要佢跨區架啦，你想讀書，報大陸地址囉。
PS. 好似流浪貓道理，愈餵佢，愈助長流浪貓；同樣道理，雙非家長一「發瀾渣」，就滿足佢地要求，點杜絕雙非呀？你話如果好似飛行棋咁，雙非家長「發瀾渣」夠3次，有得「送佢返大陸」，你話幾好呢。
蘋果動新聞報導：小一派位66.4%獲首三志願
http://hk.apple.nextmedia.com/news/art/20140606/18747236
原文載於姐死姐還在Facebook 專頁：
https://www.facebook.com/pages/%E5%A7%90%E6%AD%BB%E5%A7%90%E9%82%84%E5%9...
没有评论:
发表评论