香港獨立媒體: 《借叮噹部「交換媽媽機」比梁齊昕》

Crabtree & Evelyn. Pamper yourself and save money with value size items on sale. From our sponsors

《借叮噹部「交換媽媽機」比梁齊昕》 Jul 5th 2014, 11:22, by 姐死姐還在 《借叮噹部「交換媽媽機」比梁齊昕》 我打從心裡同情梁齊昕，真係好想借叮噹102集個部「交換媽媽機」比佢用，以解佢燃眉之急。如果我係梁齊昕，見到呀媽上電視「自我引爆」，真係失禮到好想快D搵捐罅，真係跌落坑渠我都嫌唔夠快。 臨床實證梁太係智商偏低的… 梁太話佢係「自我引爆」前冇同梁特首同特首辦傾過；佢真係冇睇警訊架，通常中伏都因為冇同屋企人商量，有人叫你比錢人祈福，你都要打電話返屋企問下明仔啦。「自我引爆」咁大件事都自己部署，真係聽見到覺得牙煙。 梁太又話：「我講呢番說話，唔係公關技倆」；咁就死得啦，你本來都冇說話技倆，仲要唔用公關，真係雪上加霜。我相信個公關都想飄出來話：「唔關我事架，我智商唔係偏低架」 「子女好與壞，在乎溝通與關懷」 冇標準工時的香港地，好多細路星期1至5都係冇爸爸媽媽，weekend 先有返爸爸媽媽。我好記得睇《星星同學會》，周華建話佢忙到次次返屋企個仔都訓左，佢唔知個仔有冇高到，只知個仔訓係到個身係長左。 我相信梁特首點都忙過周華建，仲要個女去到英國咁遠，真係好似拍拖玩long distance 個結果一樣：冇咩好結果。 好希望梁太同梁特首抽少少時間，喪睇返「每日暫停十分鐘 聽聽少年心底夢」以及「子女好與壞，在乎溝通與關懷」個廣告，係聲討其他人批評佢地家事前，自我檢討下。 如果我係梁特首… 呢個moment，你話有外星人無啦啦笠左我老婆返火星，你話幾好呢。 又如果我得到叮噹30 集個個樵夫之池，擲我老婆落去，換返唐唐個老婆返來都好過冇呀。 根據技安的經驗，使用樵夫之池係唔可以講大話，否則就會比女神扯你落池底，咁梁特首同個樵夫之池有緣冇分啦。如果我得到個池，我真係想將梁特首同梁太，以及佢個3屍14命一齊擲落去，換返D 好野返來，真係諗起都開心死。 PS. 我對梁太公諸予世的家事其實真的沒有興趣，不過見梁太上鏡，嚴重提醒我3件事... 1. 眉毛真係唔好用HB個隻筆黎畫。 2. 紫色眼影，真係好「蝦」人查，一不小心，就好似撞親隻眼未散瘀一樣。 3. 唇毛係真係唔可以唔剃。 ---------------------------------------------------------------------- 1+2+3 中哂之後, 個妝就似大家樂員工架啦，點解化妝師唔協助下佢呢？ ---------------------------------------------------------------------- 原載於姐死姐還在Facebook 專頁： https://www.facebook.com/pages/%E5%A7%90%E6%AD%BB%E5%A7%90%E9%82%84%E5%9... 叮噹交換媽媽機個集： https://www.youtube.com/watch?v=KFxJrHJIHJY 叮噹樵夫水池換個技安個集： https://www.youtube.com/watch?v=r2bNVJff7ZU

You are receiving this email because you subscribed to this feed at blogtrottr.com. If you no longer wish to receive these emails, you can unsubscribe from this feed, or manage all your subscriptions