每一個時代都有一隻代表性遊戲，或是一隻能夠殺死青少年前途的遊戲，而當今奪去最多人青春的遊戲就叫LoL。Laugh out Loud？其實是League of Legends。相信九成九年輕人就算沒玩過都一定聽過，但我對它毫無好感，甚至討厭，因為我的親生細佬，每日都廢寢忘餐、營營役役，連考DSE前一日仲打緊的，正正就是LoL。我不敢講LoL會影響他的成績，因為他的母親說這是補習班過後消閒放輕鬆的健康活動，他媽的心態真難懂。
說實話，十多年前的我一樣沉迷online game，而且程度不遑多讓，但我覺得LoL比online game更邪惡。第一，它沒有等級制，不用升level，新一場便是新開始，唔會有「脫level」的出現，不會因等級落後而沮喪，變相令人更沉迷；第二，它是一場約一小時的遊戲，即係一打就要打一個鐘，好似踢波咁不能中途離場，但一日有幾多個小時？當賽事開始了，就只好繼續，令人萬劫不復；第三，最重要是「免費」，任何人都可以免費下載，對硬件要求更是超級大眾化，不用花錢令青少年更名正言順去玩，但他們不知道事實上係「隻game玩緊佢哋」。
可能你哋會話：「車，邊關LoL事，有冇呢隻game佢哋都係打機唔讀書架啦！」我明我明，就好似一個女人一生總會畀一個或以上的男人呃，就算唔係畀我呃，呃你嘅只會係其他人，但我唔可以阻止你鬧我、唱我、甚至咒罵我吧。
轉載自《新報》
没有评论:
发表评论