得罪講句，喺香港做運動員慘過擔泥。
唔喺俾人話做運動員無出息，就喺俾人話做呢行揾唔到食。但從來無人諗過呢個喺為夢想而戰，只喺識得向錢看。夢想，幾多錢可以買到？係咪揾得多就代表好快樂？做人有夢想，又話不設實際揾唔到食；做人無夢想，又話同咸魚無分別。
但有無人真係會諗或者明白佢地點解仍然堅持去做一樣吃力不討好嘅事？
日日辛辛苦苦練習，都喺為咗拎冠軍，或有朝可以代表國家/地區出外比賽。本應喺件好光榮嘅事，可惜生於呢個見錢開眼，唔重視體育運動嘅地方黎講，未出戰已先比人睇死。
「香港人邊夠啲鬼佬比呀？曬氣啦！」
未打已先輸士氣。
歐洲有個只有三萬人口的小國，聖馬力諾。當地沒有職業運動員，全部都係業餘，有老師，學生，文員等等。佢地嘅足球可以話係歐洲最屎個一隊，踢咁多年一場都未贏過，仲要俾人大炒N咁多球，換轉在香港已經不斷俾人踩台叫收檔，唔好影衰香港。但當地居民好尊敬呢班運動員，仲會以佢地能代表國家出戰而感到光榮驕傲。
點解我地要咁輸打贏要？
好喇，能夠代表香港出賽，滿心歡喜希望以最佳姿態出戰，只係要求有隊醫隨隊，都要推三說四話無位。唉，而家包你機票食宿喇，仲要求咁多？當初仲話好客氣地講：｢我地會全力支持運動員｣，說得多好聽，到最後咪又得個講字？當年香港足球拎咗東亞運錦標，都話過全力振興本地足球？振下振下變咗大地震，愈搞愈衰，甚至不了了知？
唉，算啦，你地唔支持，唯有靠自己。好喇，真係比你贏咗班外國人，成為冠軍，班從來唔出現嘅官員又會突然間走晒出黎，又握手，又影相，又慰問，好似自己有份落埋場出一份力咁。喂，借問聲，人地練習個陣你係邊？人地比賽個陣你又有無睇？
「唉呀，忙呀嘛，我地黎係同大會開會，傾比賽事宜……」
你忙就繼續忙啦，唔洗特登抽空上台又握手，又影相，又做訪問又成，曬你好多時間架！下次唔好咁傻仔喇！時間寶貴！
呢班官員，贏先會就出現，如同勝利球迷，一樣咁契弟！鬼叫佢係老闆……
贏就話有榮譽(其實都唔知有無) ，要是輸咗，鬼有人記得你係邊個？番到香港，除左你嘅朋友，家人或者你嘅教練會支持你外，會唔會有官員親自嚟會見你，兼請你食餐飯去慰勞你代表港隊出戰？我唔知，但喺班官員連你比賽時都唔理你，咁賽後仲會唔會理你？
所謂無功者飯餸不留，算了。最慘嘅係，你只係講一句：｢我只係想要個隊醫隨隊，但無。｣佢地已經緊張到即時放底手頭上工作，以九秒五四破世界紀錄速度出黎解畫。
「港隊名單已滿，不能再加一人。選手村亦有醫院，他可以自行去。」
我即時諗，假如當年二次大戰，雙方都唔帶醫護人員隨隊，並以｢你可以到附近診所幫手｣嘅籍口黎解說，場戰爭會唔會有更多士兵因失救而死？當年傑志踢亞協盃，傑志球員盧志軒突然暈倒，幸而在場有救護車在場等候，立刻將球員送到醫院，他才能保性命。而醫生最後指假如當時無救護車，佢可能已經失救了。就算未必係生死問題，你都唔係話要人自行去尋求協助吧？你班官員對運動員重要啲？定係個醫生對運動員重要啲？
解畫不特止，仲要襯有機會面對大眾而呻怨。
「我有少少覺得運動員，當然我自己都做過運動員，有時達不到成績，希望有其他原因講出來，變了責任不在自己身上。」
人地出心出力出時間都未覺得委屈，你班過去工作嘅官員先出黎反話運動員。你唔肯定佢實力都算啦，仲要話人地輸比賽揾籍口。同賴地硬有咩分別？
贏就話有前途，輸就話影衰香港，呢一刻，你已經分唔清究竟做運動員係一件咩事？喺香港做運動員慘過擔泥。擔泥雖辛苦，但至少都叫一分耕耘，有番一分收穫。但做運動員，耕耘一百分，仲要俾班官員攞曬彩，落敗又要俾人話轉頭，連個一分收穫都無埋。
喺香港做運動員仲慘過擔泥。不是運動員的不濟，只因他們生在香港，這麼一個口說體育重要，但身體卻很誠實地抗拒的一個地方。
没有评论:
发表评论