之前喺某個Forum睇到有港甲撚問：「為咗港甲，你可以去到幾盡」？多名港甲撚爭先搶答呢條戇鳩問題，有港甲撚為咗港甲，寧可放棄啪啪啪嘅良機，改去球場同阿伯互抆撚毛，有食唔食罪大惡極。又有港甲撚為咗香港隊，居然放棄投考機會，每個港甲撚都有佢嘅故事，而我呢啲戇鳩仔，就冇大家咁偉大喇，頂多只係喺開工時間蛇王走去睇吓港甲咁。
港甲冰河期階段，我返緊一份返1-6朝8晚6嘅工，一個月有成6,xxx蚊咁撚多，平日1-5包做到你仆街冚家鏟，真係好充實架，但係每逢星期六就冇咩嘢做，有時甚至冇嘢好做，喺個到基本上得我一個戇鳩鳩鎮住個場，老闆好忙要做賭神所以成日唔喺到，因此每到星期六，我都好痛苦，因為冇咩嘢做，甚至冇嘢好做，但又唔收得工，只可以等時間過。我返工最怕，第一就係啲仆街撚樣，第二就係冇嘢好做又唔收得工，我寧可做到仆街，都唔想戇鳩鳩喺到等，因為冇嘢做嘅時間過得好慢。
老闆都知道星期六好得閒，但佢死都要你返埋，點解？因為佢同總公司報我人工一日700，但到我手就只得250，即係食450，只要我返工，就算佢喺屋企訓都賺450一日，冇計啦，所謂揾多啲啫。星期六老闆直投叫我如果冇嘢做就揾地方訓捱時間，但又訓到幾耐呢？於是乎，星期六如果好得閒我就會去附近又一城睇吓啲MK妹溜冰，不過之後老闆啲糧期愈來愈遲，本來我係非常投入工作嘅，即使一個人要做兩個人嘅嘢，呢個老闆擺明揾我笨，不過唔緊要，就擋係一次人生嘅磨練，但係，我個人係戇鳩啲啫，但都有思想架嘛，所以愈做就愈灰，漸漸唔知返工做乜撚，最後變本加厲，咩責任心都拋諸腦後，星期六下午2點到6點索性行7個字去旺角場睇雙料娛樂度過，試過有電話打黎突然話有客到，搞到頭場睇咗15分鐘就要飛的返去接客，試過老闆成日星期六揾唔到我，跟蹤我去旺角場，仲買埋飛入黎捉我走，就係咁，我喺果個季冰河期賽季基本上每場到齊，星期日休息多數去睇，星期六返緊工更加照去，閒日夜晚打嘅聯賽盃都去，呢啲真係毒到生活只剩下港甲。連足總賣飛嘅都認到我，仲心諗呢條仆街係咪失業定做外圍場場都見到佢嘅，因為咁老闆成日話要炒我，我每次都話好呀快撚啲炒啦反大佢，之後連續幾日都唔返，每次老闆都打電話黎求我返，後來我去邊佢都冇問，不過我最後都係頂唔順呢份工，因為在做落去，大約大去之期不遠矣。
每次諗返呢件事，都覺得戇撚鳩，嗱，我唔係叫大家因為你嘅興趣而無視你份工，係唔想有啲人好似我咁浪費時間，不過香港人最怕嘅唔係世界未日，最怕嘅唔係共產黨打到黎，係最怕冇咗份工，所以我都唔怕教壞人。
没有评论:
发表评论