2014年3月6日星期四

香港獨立媒體: 【亞洲盃外圍賽】『最強陣容』來了,但印尼依然包尾....

 
Get the newest, latest, hottest

Find shoes, heels, flats, active, essentials and more in the latest styles. Save up to 40% on select items.
From our sponsors
【亞洲盃外圍賽】『最強陣容』來了,但印尼依然包尾....
Mar 6th 2014, 08:16, by Momay

印尼足球聯賽不在分ISL及IPL兩個聯盟,國家隊選人方面不受限制,可派出『最強陣容』參加亞洲盃外圍賽,但結果只係將差距收窄些少而已,出IPL印尼國家隊就以0比10不敵巴林,出『最強陣容』印尼國家隊對住沙地阿拉伯就輸1比2,聯賽分裂對國家隊實力有嚴重影響,但『最強陣容』印尼國家隊一樣要喺亞洲盃外圍賽排包尾,與其他亞洲球隊嘅差距依然存在。

為咗增強實力,印尼對青訓投入咗非常大嘅心血、時間及金錢,除咗青訓,印尼亦努力尋找合適海外居住嘅血統球員,游說佢地歸化印尼,以及游說喺印尼踢波5年以上嘅小部分外援入籍。不過,一啲球迷夢寐以求佢會代表印尼國家隊嘅血統球員及外援球員都成功入籍印尼,並喺亞洲盃外圍賽中大派用場,但係呢支『夢寐以求』嘅印尼國家隊都係要排包尾,幾『夢寐以求』都好,夢只係夢。

但唔代表呢班血統球員及外援球員對印尼足球冇任何作用,能夠主場迫和中國,作客中國輸得唔太過分,兩對沙地表現唔差,當中都同血統球員及外援球員加入有關。但呢班球員只係暫時性幫吓國家隊,長遠計印尼需要嘅係搞好本土足球先,印尼足球有好多缺點,例如高層管理有問題、成個圈運作非常亂,真係業餘不如,上面都搞成咁仲點管下面,而聯賽吸引力每況愈下,水平長年參差,近年仲『鬧雙胞』,『鬧雙胞』令到一啲球會遇上資金困難,球員被拖欠工資,令小部分球員心灰意冷離開,亦令部分年青人唔敢踏入足球圈,印尼足球聯賽個朵本身已臭,『鬧雙胞』後患出現後係臭無可臭,搞到唔少球迷忍唔住走埋。

雖然今日冇在『鬧雙胞』,但在係咁嘅態度去搞,咁嘅風氣去搞,唔改,冇用。得個殼,冇用,有人話印尼係一個沉睡嘅巨人,咁幾時先識醒?

【死忠盲撐印尼?】

雖然陸續有印尼球迷放棄咗屎波嘅印尼國家隊,但係好彩仲有一批不離不棄嘅死忠盲撐住印尼國家隊,上屆亞洲盃外圍賽印尼主場就發生過『穆利亞迪事件』,事件由來係2011年亞洲盃足球外圍賽印尼主場對阿曼,印尼必須在取勝才有出線機會,可惜戰至九十分鐘加時印尼隊仲係落後1比2。此時一名叫穆利亞迪(Hendri Mulyadi)嘅印尼死忠對於國家隊差勁成績感心痛, 眼看國家晉級無望,內心一團火最終爆發出來,佢決定要自己落場幫國家!!!!首先佢以靈活技巧跳過保護圍牆,然後高速突破正在發夢中嘅保安防線,跑入球場後,佢成功搶奪皮球,赤腳嘅穆利亞迪以優秀戴球技術從邊線高速推進對方禁區,觀眾也歡呼起來,當佢走到阿曼大門面前仲嘗試做個假動作來欺騙過守門員。由於穆利亞迪身後巳有唔少保安趕來,所以佢喺焦急情況下唯有選擇硬射,結果呢『一球』被門將輕昜擋下,穆利亞迪亦冇執雞機會,因為保安巳施展酷刑迷魂鎖從後將佢鎖住在大力將佢摔在地上,接著就是數十位保安像搬死屍般抬他出場外。

鬧劇完後全印尼電視台、電台、報章、互聯網都談論此事,亞迪亦向公眾道歉,指自己因為太焦急及國家隊成績越來越糟羔才會做出這種行為。奇怪亞迪今次行為並冇引來民眾反感,反而有人稱他為『印尼英雄』!網民更謂亞迪喺赤腳下居然能如此高速地運球,更應該要代表印尼國家隊出賽,有網民更指現役一班印尼國腳速度腳法比亞迪更差,同時有人為佢去信印尼足總要求征召亞迪入國家隊,亦為佢取下綽號『印尼新希望』、『印尼馬勒當娜』、『印尼快翼』、以及有威望嘅『印尼英雄』。其實反觀件事背後,亞迪之所以有如此激動行為,就係因為佢支持嘅印尼國家隊一次比一次失敗迫使極度失望的他失去自我。

呢單嘢又幾年,今日印尼國家隊都係冇辦法出線,亞迪跳落場十次都係冇用,說回來,球迷改變不了什麼,球迷可以做嘅就係支持,印尼足球要改變,還需靠自己。

You are receiving this email because you subscribed to this feed at blogtrottr.com.

If you no longer wish to receive these emails, you can unsubscribe from this feed, or manage all your subscriptions

没有评论:

发表评论