香港獨立媒體: 一個未必再有人破到的紀錄

Crabtree & Evelyn. Pamper yourself and save money with value size items on sale. From our sponsors

一個未必再有人破到的紀錄 Nov 13th 2013, 11:51, by 足球說故事 筆者覺得「紀錄」呢樣野唔一定只有大球星先可以創造／打破，普通球員都一樣有創造／打破「紀錄」既權利。 就好似諾域治前鋒加利賀柏，未必可能人人識佢（但其實佢係幾勁，398場正式比賽中已經攻入176粒入球；踢過些路迪，今夏以500萬加盟諾域治），但佢都算叫做一個略有名氣既球員。 佢職業生涯試過踢歐冠賽事，但同時又踢過最低組別既業餘聯賽，慢慢由低組別踢到上最高水平賽事，佢已經係一個典型既足球勵志故事，但佢最勁既地方唔係呢點，而係佢可以係咁多個聯賽組別之中都有入波－歐冠盃、歐霸盃、英超、英冠、英甲、英乙、英格蘭業餘聯賽、英格蘭足總盃、英格蘭聯賽盃、蘇超、蘇格蘭足總盃以及蘇格蘭聯賽盃，總共12項比賽中都有入球既球員彷彿每去過一個地步都留下一句「到此一遊」，呢個紀錄真係強如C朗同美斯都未必破到。 所以贊師父覺得某程度上「紀錄」呢樣野，重點未必係在於球員本身既能力，而係在於處於一個什麼的時勢。 當然，呢個紀錄未必能媲美Ｃ朗美斯破既ＸＸ入球紀錄咁有份量／咁勁，但係宏宏足球員生涯中，有幾多位球員可以有自己「品牌」？職業生涯之中有一樣自己既代表作或者一個紀錄，而且呢個紀錄仲要係未必有人會破到，諗諗下都係件幾威威既事！至少都叫做有「名留青史」，都值得高興呀！

You are receiving this email because you subscribed to this feed at blogtrottr.com. If you no longer wish to receive these emails, you can unsubscribe from this feed, or manage all your subscriptions