每年呢個時候，都有人叫我放低烙印，忘記過去。我諗唔明，何解我要忘記，又唔見清明重陽佢地叫我忘記。
又有人會話我當時都唔在場，唔知事實真相。我又唔明，南京大屠殺或二戰納粹屠殺猶太人（甚至彭順當街咀新女或側田攬女上房），佢地都唔在場丫，點解佢地又咁肯定咩係真相呢。
仲有人話，其實都好多軍人死左，佢地都有屋企人，所以要平衡，唔可以偏幫一邊。我就更唔明， 宜家我唔俾你尋求真相咩？你最好叫當權者公開檔案，公開調查咩係真相，唔係指責我唔平衡囉。
更勁係，有人話唔好去維園行禮，唔係就俾人拎黎做政改籌碼，要去尖咀先夠本土，先可以同大陸切割。我想講，慳啲啦你，十幾年前早已有人因各種原因係尖咀悼念啦，要切割你咩都唔好搞，淨係喜氣洋洋咁開香檳call埋三五知已唱k又好bbq又好打16圈都好啦，搞咁多野做乜呢。
支記父權（er…佢將祭好漢改為祭英烈係要表揚的）、形式化（er…年年清明端午中秋冬至都係做果啲野架啦）、年年如舊（er…前年都有首民主會戰勝歸來既），都唔係重點，重點係維園係幾多人的政治啟蒙地，維園俾機會我同其他人集體療傷，維園人數令幾多人如坐針氈。維園從來都係香港人主場，從港英年代開始，到年年六四七一，從未變過。
周三晚，維園見。
没有评论:
发表评论