2014年8月1日星期五

香港獨立媒體: 印尼足球支持者總離不開暴力?

 
Take the Style Quiz

Join JustFab and get one pair of extraordinary shoes or bag every month, handpicked for you by our fashion experts.
From our sponsors
印尼足球支持者總離不開暴力?
Jul 31st 2014, 16:08, by Momay

【印尼足球總離不開暴力?】

8月10日,印尼打吡佩斯查雅加達對佩斯畢萬隆會喺雅加達格羅拉蓬卡諾體育場上演,佩斯查支持者Jakmania最著急係雅加達警方會否批准支持者可唔可以入場睇比賽,事關兩邊支持者關係唔好,每到兩隊碰頭又會有支持者因暴力而傷亡,所以警方可以決定一切。


上年佩斯查對佩斯畢本身係閉門作賽,但佩斯畢足球員乘坐之巴士喺前往雅加達卡諾體育場途中比佩斯查極端支持者投石攻擊,有極端支持者更試圖放火燒毀巴士,最後巴士返回萬隆,比賽要改期及改去中立場作賽。


印尼足球總離不開暴力,今年6月,有阿雷馬支持者前去錦石入場睇阿雷馬作客錦石聯,途中泗水足球極端支持者出現攻擊阿雷馬支持者,泗水警方到場後,泗水足球極端支持者冇逃離,反而與警方對峙,並一度向投擲汽油彈、石頭,多人受傷。晚上衝突蔓延擴大,另一批泗水足球極端支持者查抄阿雷馬支持者乘坐之巴士,並向巴士投擲石頭,又向發射催淚彈驅散鬧事支持者嘅警員投擲石。有泗水足球極端支持者聲言要為死去之『兄弟』報仇,2013年9名泗水支持者前去錦石入場睇阿雷馬作客錦石聯,逾百名阿雷馬支持者襲擊9人,導致1人喪生。


佩斯查球迷的而且係有搞事,係有造成過死傷暴力,但佩斯查球迷當中有好多其實係主張非暴力,以支持足球隊(佩斯查)為先,佢地本身都係熱愛和平,搞事嘅其實只係部分球迷,並唔係所有。但係,好多人總愛以偏概全,認為所有佩斯查球迷都係如此暴力、如此殘酷、如此野蠻,因為大部分人將某啲事無限放大,令到本身全心為球隊打氣不滋事個大部分佩斯查球迷亦被所謂主流嘅人拖落水,變成『暴民』、『蠻民』、『生番』。其實又好唔公平。

近年印尼足球聯賽支持者引發之暴力事件:

2010年印尼打吡佩斯查 對 佩斯畢,『世仇』球迷比賽前席「熱身」,一群情緒高漲佩斯畢萬隆球迷喺途中發現有2名佩斯查球迷路過立刻上前追打,2人被踢落坑渠,身上球衣被強行脫掉,接載佩斯畢萬隆球迷嘅巴士途徑此地都停下來導致交通混亂,有佩斯畢萬隆球迷手持木棍等武器,部份萬隆球迷看不過眼上前阻止。


2010年印尼打吡佩斯查 對 佩斯畢,有一名肥仔本來係佩斯查嘅支持者但中途轉去捧佩斯畢萬隆,由橙變藍,結果變成頭號反骨仔兼比佩斯查支持者『Jakmania』捉咗,『Jakmania』將呢位反骨仔嘅2隻手指公及頸部用繩綁住在拖豬咁拖出街遊街示眾,沿途『Jakmania』拖行反骨仔時不停唱歌。

2010年一群佩斯查及佩斯達拉球迷發生衝突,一名球迷在場外被活生生打死。

2010年佩斯克 對 佩斯畢賽後球迷騷亂一名球迷被活生生打死。

2011年泗水 對 詩都阿佐,賽後球迷騷亂一名球迷被生生打死。


2012年5月13日佩斯查 對 佩斯普拉,進行其間雙方球迷發生暴力衝突,有球迷手拿木棍襲擊對方以及互相投擲雜物,在場普通警察為免受傷臨時使用一張膠椅子充當簡易的頭盔作保護。

2012年佩斯查 對 泗水,一名球迷被活生生打死。

2012年佩斯查 對 佩斯畢,3名球迷被活生生打死。

2012年佩斯巴 對 斯里維加亞,一名球迷被活生生打死。

2013年,北乾巴魯 對 馬都拉聯,賽後球迷騷亂一名球迷被活生生打死。

2013年,印尼次級聯賽佩西斯主場對日惹,有2名冇出場亦冇後備嘅客隊日惹球員Johan Arga及Dimas Priambodo坐喺看台睇波,其中一名球員當時身穿曼聯球衣,突然有幾名佩西斯球迷走到2名球員前說出:「為什麼穿曼聯球衣?」2名球員心知預上流氓球迷連忘說出自己是球員但仍然遭毆打,Johan Arga憶述講:「幸運的是頭部和臉子沒有受傷」,呢位球員講嘢真係似周星馳。同一時間一名記者Jumali又比流氓球迷毆打,原因不明。

2013年,印尼次級聯賽日惹主場對佩西斯,場上有比賽但看台上亦有兩隊球迷之間嘅『比賽』,現場石頭如雨,最終有一名日惹球迷被活生生打死。


2014年5月8日,『印尼打吡』佩斯畢萬隆 對 佩斯查雅加達喺萬隆市上演,由於兩派球迷關係唔太好,多年來衝突造成多人死傷,西爪哇警方為此事一直煩惱非常。西爪哇警方有權決定比賽命運,因為安全問題,已將比賽由3月延至5月8日與行,警方一直建議客隊佩斯查球迷盡量唔好前往萬隆 ,但並冇完全禁止佩斯查球迷前往萬隆。
比賽當天,有數百名佩斯查球迷由雅加達出發到萬隆,車程要大約2小時,但中途警方『突然』唔批准呢班佩斯查球繼續前往萬隆,原因就係怕呢班佩斯查球迷去到會同萬隆球迷打交,所以要求佢地返屋企。
由於警方『突然』唔批准佢地去現場睇波,就黎到萬隆先比人趕走 ,有啲球迷當然不滿,搭咗個幾鐘車先同我講「你都係返屋企睇電視啦」,玩我咩?所以有啲球迷堅決唔走甚至繼續往前,最後警方用『強硬』行動驅趕唔合作嘅球迷,警方喺驅趕過程中有使用槍,其中有6名球迷被槍傷。
雖然佩斯查球迷一向以搞事出名,但會搞事嘅流氓只係佔一部分,有唔少佩斯查球迷一心只愛佩斯查,並冇破壞社會嘅想法,喺路上嘅佩斯查球迷,大部分手無寸鐵,因為只想睇波,卻遭到暴力驅趕,而且警方用實彈,所以全印尼大部分人都在怪責西爪哇警方,連總統都表示關注,多支球會嘅球員都批評警方濫用暴力。
喺呢件事發生後,大部分人批評西爪哇警方濫用暴力,但亦有人力撐警方,事關部分印尼球迷亦會使用暴力,有時連警方都唔放在眼內,呢啲球迷已經係暴徒,所以有人支持警方以暴易暴,除掉社會禍害。不過,最慘都係一班熱愛和平嘅球迷,因為小部分球迷嘅行為令到佢地被標籤為『暴力足球流氓』,令到佢地受害。

(未可盡錄)

呢啲係投入,定過火?

You are receiving this email because you subscribed to this feed at blogtrottr.com.

If you no longer wish to receive these emails, you can unsubscribe from this feed, or manage all your subscriptions

没有评论:

发表评论