香港樂壇一蹶不振，正步進「半衰期」，此乃不容置疑之事。基本上，現在的香港歌手只係「食老本」，即係點？即係粉絲只是同一班人，沒有新血加入，大家都只是由你舊有的作品支持到現在，例如基本現時仲會買陳奕迅新碟的人，只係以前一直買開嗰班人，而新一代00後左右的年輕人，只會迷戀K-Pop，以及一些偶爾「click中」的組合或歌曲。
因此，有歌手甚至創作人，開始在網路潮流中取材，創作一些類似網路歌曲的流行音樂，以吸引年輕人的眼球，或博他們一個click rate。
小肥推出《高登歌》後，又有一隻《講呢啲》，正面來看「幾得意、幾過癮、幾盞鬼」，但想深一層，原來香港樂壇已經要淪落到如此地步？我不是要踐踏創作人的心血，我認同歌詞鬼馬、匠心獨運，只係香港歌手竟然要卑躬屈膝向社會潮流低頭，創作一些追隨潮流、討好潮流的音樂？
看看韓國樂壇，一支騎馬舞，曠古爍今，帶領世界潮流；西方樂壇，Pharrell Williams一頂「高帽」已能牽動時裝潮流；中國內地樂壇，歌唱比賽，帶起飆高音潮流。
反觀香港樂壇歌手、創作人一直要討得觀眾歡心，商業歌曲、類網路歌曲等比比皆是，由此亦反映出香港音樂公司決策人的弊病──他們往往將「潮流」與「音樂」本末倒置。其實，香港樂壇不應用音樂跟隨潮流，而是要以音樂領導潮流。
轉載自新報
没有评论:
发表评论