2014年2月14日星期五

香港獨立媒體: 足總盃16強 - 【公民 vs 天旭 - 夢幻對決?】

 
Photoshop - Beauty Retouching

Learn how to improve your photoshop retouching skill and knowledge in 21 easy techniques! Take this course for just $25.
From our sponsors
足總盃16強 - 【公民 vs 天旭 - 夢幻對決?】
Feb 14th 2014, 15:37, by Momay

呢場比賽未打之前已經知道『有今生冇來世』,點解?因為有型又大隻又善良嘅羅倫士『羅大俠』又出現喇,想睇大俠演出可以去睇丙組聯賽,今季天旭嘅比賽我都叫睇過吓,上季佢喺光華我都有專登去睇,不過大俠在次喺呢啲所謂重要場合比賽中出現,真係估你唔到,睇黎錯過咗呢次真係在冇機會,身為一個經歷過港足冰河期嘅仆街冚家鏟,見證大俠俾高三吹到飛天到熱愛香港之態度真係受人尊敬令人慚愧,難得機會在現,唔睇點對得住自己良心?唔好話60蚊,100蚊定150蚊定200蚊我都會買飛入去睇。

天旭除咗有大俠,梁智駒、朱偉霖、陳耀麟、劉子亮、陳豪文、蔡仲賢、劉少汶都係前甲組球員,係咪冇得打?其實又未必,上半場大俠拍住劉子亮打中堅,前面放陳豪文一個,分明鐵桶陣。而強陣出擊嘅公民攻勢一浪接一浪,不過唔係自己射失,就係俾天旭球員瓦解或者俾前消防守門員劉少汶擋咗,戰至20分鐘謝德謙先第一次觸球,球迷都歡呼大叫起來,雖然係咁,佔盡攻勢嘅公民依然攻唔入,約30分鐘就連陳豪文都縮頭咁縮埋落去一齊防守,結果半場互無紀錄,令人有點意外嘅戰果。
下半場天旭繼續守,拖時間嘅方式百花齊放,有啲招數令人笑爆膀胱,例如守門員劉少汶自己慢慢行去執波,其實又啱,丙組邊有執波仔,習慣啫。不過久守必失,18分鐘保連奴終於為公民打開紀錄,之後公民換入廸天奴,『野人對大俠』夢幻對決正式上演,但是,大俠喺呢個時候上咗前面進攻,又因為天旭急於進攻,令公民有機可乘,最後廸天奴輕鬆趙多兩粒,協助公民贏3比0。

天旭雖然有唔少前甲組球員在陣,但始終丙組水平比甲組差一大截,大俠今非昔比唔係太突出,但每次大俠一拎波,球迷都會高呼尖叫,我相信有唔少人為咗大俠而來,佢從來唔係好波,但格好,態度好,所以到今日仲有人記得佢唔係冇原因。
其實要睇大俠每個星期都得,今個星期日天旭作客荃灣,喺海濱公園打,不過丙組還丙組咪撚擋甲組。

You are receiving this email because you subscribed to this feed at blogtrottr.com.

If you no longer wish to receive these emails, you can unsubscribe from this feed, or manage all your subscriptions

没有评论:

发表评论