香港獨立媒體: 《年度七一大遷徙遊行》

Crabtree & Evelyn. Pamper yourself and save money with value size items on sale. From our sponsors

《年度七一大遷徙遊行》 Jul 2nd 2014, 19:22, by 姐死姐還在 《年度七一大遷徙遊行》 (由於本人淆底，將來或者沒有遊行的自由同機會，特此寫篇文記底2014的七一。) 我好鐘意睇「森林和原野」，睇到七一的新聞圖片，真係嚇到瀨屎，「嘩，多人過東非角馬大遷徙呀」。今日公布遊行數字係51萬人，再睇下角馬大遷徙圖片，真係點睇，我地個density 都高D啦，每年有大約100萬隻角馬係東非大遷徙，香港一年要大遷徙遊行幾次，爭取咁多野，如果角馬知道香港人一年遊行幾次，又少佢兩隻腳，角馬聽到都覺得好支力。 到底有幾支力？ 30 幾度係條街度大遷徙咁遊行，真係同粒放入微波爐叮緊的燒賣一樣，真係熱過係地核玩高溫瑜珈。 當你真係好支力好支力個時，警察sss 真係當佢地係歡樂天地玩推銀機咁，當遊行個班友仔係硬幣咁喪推落個深淵到。佢地唔明白，推銀嘅野，識推，就唔好疊住D 硬幣。 我相信角馬跑跑下見支力，都會係河邊稍事休息，大小便下。遊行班友仔真係好勁，真係「我忍忍忍忍忍忍忍…」，再一次的打從心裡敬佩呢51萬個「忍士」。 支力得咁緊要，仲大遷徙？ 同角馬一樣，點解要年度大遷徙(s)？求生囉。當我地仲有機會係個大草原度自由地喪跑的時候，真係要好好把握，點知會唔會有一日遊行只會係「當年今日」出現。 大遷徙後 之 「奔波以後　能望見你　你可否知道麼」 2003 年，因為23條、SARS、問責高官，50 萬人只求董伯伯的一個回應，結果等左15日，董伯伯reply 左句「唔可能以理所當然嘅態度，叫市民接受」。 10 年之後，時局轉得快個個爆旋陀螺，一個月內，東北問題，普選政改，622，白皮書，黑客入侵網絡，佔領政府辦… 今時今日，我睇新聞的speed，要加速到我每「線」個電話一野，要睇幾篇新聞，我先跟得返香港個beat。 董伯伯要用15日去消化個遊行，我地「包容」下CY，我就等你15日，我地真係「奔波以後，只求望見你」覆一覆。 而家個感覺真係同明知CYwhatsapp on 緊line，個message send 左出去有兩個剔，但唔見你覆一樣咁腰心腰肺。 我最驚係… CY 以為自己係北韓觀光，當遊行D 人係表演緊阿里郎個班傻仔。 PS. 有參與今年個大遷徙嘅，開心share 下吧 原文載於姐死姐還在Facebook 專頁： https://www.facebook.com/pages/%E5%A7%90%E6%AD%BB%E5%A7%90%E9%82%84%E5%9... ------------------------------------------------------------------------------------------------------------------ 角馬大遷徙圖片來源： http://bulo.hujiang.com/menu/13692/item/801826/ 七一遊行圖片來源： http://www.epochtimes.com/b5/14/7/2/n4191057.htm 董伯伯say sorry 截圖來源： https://www.youtube.com/watch?v=DA2h2mMPoPM

You are receiving this email because you subscribed to this feed at blogtrottr.com. If you no longer wish to receive these emails, you can unsubscribe from this feed, or manage all your subscriptions